هو ليه الولد رمى القطة من البلكونة؟ فاجأنا الدكتور أحمد عكاشة بالسؤال الغريب، ثم شرح إن الولد رمى القطة من البلكونة عشان اللواء هزأ العميد!!! ثم وضح أكتر إن العميد لما اتهزأ ما قدرش يرد على اللوا، راح منادي العقيد و طلع فيه، العقيد ما قدرش على العميد، راح مهزأ المقدم الي راح مهزأ الرائد اللي راح مهزأ النقيب اللي راح مهزأ الملازم أول اللي راح مهزأ الملازم اللي راح مهزأ الصول اللي راح مهزأ العسكري اللي مالقاش غير مراته يهزأها اللي ما عرفتش ترد فراحت ضاربة الواد ابنها اللي مالقاش غير القطة يرميها من الشباك!!!!!

الإزاحة!!! أو Displacement، من ضمن ميكانيزمات الدفاع النفسية، إن حاجة تتعبك و تضايقك، و تستدعي منك تصرف انتا مش قده، أو خايف تعمله، بس انتا جواك شحنة عنف و غضب، هتوديها فين؟ أضرب اللوا؟؟ ده انا ممكن اروح في داهية!!!! اشيل في قلبي و اسكت، يا دوب استحملت لحد ما غار من قدامي من غير ما افقد اعصابي!!!! دخل بعديه حد اقدر عليه، ايه اللي انتا مهببه ده!!!! ايه العك اللي بتعكه ده!!!!! و فاصل من العنف اللي اتزاح من ناحية اللواء و اتوجه ناحية العقيد، اللي هيلاقي نفسه في نفس موقف العميد، و هيشوط في اللي تحته، اللي هيشوط في اللي تحته، و الدايرة ما تنتهيش…….

يا ترى المشكلة كدة بتتحل؟؟ هو بصراحة انا كدة استريحت و زحت اللي جوايا و ما خسرتش حاجة من مواجهة قوية، بس في الآخر…..الغلط فضل موجود…..فضل اللي ظلمك في الأول زي ما هو، و هيظلمك تاني، و فضل اللي ظلمته انتا زي ما هو، و غالبا هتظلمه تاني و غالبا هو برضه هيظلم غيره تاني عشان مش قادر عليك، و في الآخر، كل الناس غضبانة و كله بيغلي و البراد اللي جامعنا نفسه بقى كله بيتهز و قرب يطرشق!!!!!

رغم كل شيء بس كان ليه رؤية برضه فرويد، في أيامه اكتشفوا المحرك البخاري و فكرة الطاقة البخارية المحبوسة، و منها طلع بفكرة ان البني آدم عامل زي غرفة البخار، زي البراد، ان طاقته النفسية عبارة عن مياه في براد، و لما المية تغلي، و البخار يزيد، و المكان لسة مقفول، بيحصل ضغط على أضعف حتة، و لازم ينفّس و يطلع بخار، من بوز البراد بقى و لا يطير الغطا، أيا كان بقى، لازم هيطلع بخار…..و يطلع في صور كتير بقى من أعراض و أمراض نفسية…..

زي لما “دمك يغلي”، فجأة زادت الطاقة الداخلية دي، و تحس انك “محروق من الموقف” و إن “روحك في مناخيرك”، و “عينيك بتطلع شرار”…….. طاقة غضب و عنف، هيطلع هيطلع، بس بواقي عقل صاحي و خوف جواك ممكن يقوللك اوعى تودي نفسك في داهية……امسك نفسك…….

……..

………..

البخار لسة موجود و بيرج برّادك رج، و “هتطق” من الغيظ………تطلع بقى التصريفة الحلوة دي……..زيح يا عم……زيح على أي حد أو أي حاجة يبقى الضرر منها معدوم أو أقل………

آه احنا جُبَنَا…….. جُبَنَا  أوي كمان……شايف حاجة تانية؟؟؟؟

إلا قوللي صحيح، هو الناس في مصر مش طايقة بعضها خالص كدة ليه؟؟ الناس يا عم روحها بقت في مناخيرها و كله واقف على شعرة……..لا لا لا لا اوعى تقول أي حاجة، احنا حكومتنا زي الفل و ريّسنا عشرة على …..

بصراحة، عشرة على مية!!!!!!!

يا ترى هنقعد نزيح على بعض كدة لحد امتى!!!!!

كفايانا بقى……

سامح حجاج

9/23/2010

عارفة؟

مش عارف ليه

متونس بيكي و كأنك من دمي

على راحتي معاكي و كأنك أمي

مش عارف ليه

عارفة؟

حاسس إني لأول مرة بشوفك

و إني بشوفك من أول لحظة في عمري

حاسس إني يمامة بتشرب في كفوفك

و انك شجرة و ضلة و مية بتجري

عارفة؟

فرحة كبيرة و صوت مزيكا في قلبي

و كأننا حبيبين اتقابلوا بعد فراق

ليه فجأة بقيت مستنّي لوحدي

ليه بتكلم و احكيلك و اشكيلك همي

مش عارف ليه

مش عارف ليه

متونس بيكي، و كأنك من دمي

على راحتي معاكي و كأنك أمي

مش عارف ليه

و انا وياكي بحس الدنيا فيها سلام و أمان

و ان العالم مفيهوش ولا نقطة أحزان

ايدك خلّيها في ايدي

انا طفل كبير

و بحس انّ انا و انتي لوحدينا و الكون بستان

عارفة

كلمات: بهاء جاهين

تلحين: عمر خيرت

غناء: علي الحجار

سبحان الله…..قعدت كتير ادور و افكر و احسب و اخطط، و اشوف فين توأم روحي، و اقول لنفسي هلاقيها صدفة، و ساعات اقول لأ، مش صدفة، لازم اجري عليها و ادور و اقلب كل شبر في الدنيا لحد ما الاقيها، و ساعات تانية اقول لنفسي انسى فكرة توأم الروح دي، انتا هتتجوز واحدة مناسبة و خلاص، العشرة هتحصل و تكبر ما بينكم و خلاص، و أي واحدة كويسة هتنفع……….بس كدة ولا كدة، وصلت للإحساس إني خلاص جاهز نفسيا و ماديا إني أتجوز، و فعلا أشيل المسئولية بالصورة اللي ترضيني قدام ربنا، و إن آن الأوان بقى إني يا إما أبقى مارد و أكسر الأسوار اللي حاططها بيني و بين الحب، يا إما أبقى عصفور و اطير من فوقيها، في السكة قابلت اللي تصورت إنه الحب، و قابلت اللي تصورت انها ممكن تكون زوجة، و قابلت اللي عجبني دلعها، و قابلت اللي عجبني ظرفها، و قابلت اللي عجبني دينها، و قابلت اللي عجبني أدبها، و قابلت البنت المثالية اللي حبتني و انا ما حبتهاش، و قابلت اللي انا كنت عايز اعرفها اكتر و حسيت ان ممكن تكون هيا دي، بس هيا اللي ما رضيتش………. و ولا واحدة من اللي عجبني فيهم حاجة دول عجبتني على بعضها، كنت دايما بحاول اقنع نفسي و اقوللها هيا حلوة في كذا و عاجباني في كذا و دة يغطي على اللي مش عاجبني فيها اللي هو كذا و كذا و كذا……..و اتضايقت فترة، إني مش لاقيها، و احتسبت عند ربنا، و حمدته و توكلت عليه، لحد ما أكرمني بإني حسيت بالثقة انه هيكرمني، كدة و لا كدة، هيكرمني، مش لإني كويس، لإنه هو عظيم و فضله لا يحد، لقيت وسيط أثق فيه جدا بيقوللي على بنت ممتازة و انه شايفنا مناسبين أوي لبعض، و حكالي عنها، و استريحت لكل اللي حكاهولي ما عدا نقطة واحدة قلقتني شوية، مش لإنها عيب فيها، بس لإنها ممكن تبقى باب مشاكل و حساسيات بالنسبة لي، الراجل طمني و قاللي لأ، ما تقلقش، و فعلا، قعدت معاها، و سبحان الله، قبول من أول خمس دقايق كلام، ما شاء الله عليها، متدينة و جميلة و نقية و عاقلة و راسية و حنينة أوي، و بتسمع كويس و تتكلم كويس، و بتفهمني، و زيي و شبهي في حاجات كتير، و في خبرات كتير، و في وجهات نظر كتير، و كل ما اقعد معاها اكتر، الاقي اللي يقربني ليها و يرغبني فيها أكتر، و يحسسني بالراحة معاها اكتر، و حسيتها مختلفة في حاجة مهمة أوي، بتديني الاحساس اني ممكن اقرب، كأنها بتقوللي قرّب ما تخافش، من غير ما تجرحني بالكلمة، و من غير ما ترخص نفسها، و في نفس الوقت من غير ما تحسسني انها بعيدة و مش متقبلاني، بتطمنّي بسلاستها اللي مش عارف اوصفها، انسانة نقاها دينها، من غير ما يكتفها سوء فهم ليه أو يفسدها تهاون فيه، أحسبها ذات دين فعلا و لا أزكي على الله أحد، و مفيهاش أي حاجة من الحاجات اللي بتستفزني، طبعها مشابه ليا في مميزاتي، و الحمد لله ما شفتش فيها حاجة من عيوبي، و متوافقة معايا، و كل ما اكلمها اكتر، الاقي التوافق دة اكتر، و الاقي عمق، عمق جميل و رهيب، لو احاول اوصفها هقول شخصية شاسعة نقية كالسماء، عميقة قوية كالمحيط، هادئة و لطيفة و ودودة كالنسيم، حنونة و عندها قدرة غريبة على الاحتواء، كوادٍ منبسط يحتوي شلالي و بركاني بدون أن يحطمه أو يحيد به، و يصنع له مصيراً أسمى لا يستطيعه غير هذا الوادي، بأن يكون نهراً يسعى بالخير إلى أن يلقيا مصبهما، هو و واديه……

أخيرا مش حاسس بغربة، أخيرا مش حاسس إن ما حدش فاهمني، و ما حدش قابلني زي ما انا، و ان ليا مكان و لو لسة صغير في قلبها، و حاسس باحساس المصير، ان هيا دي، كله بأمر الله طبعا و الحمد لله على كل حال، بس حتى الآن شايف ان هيا دي، و أول مرة يجيلي الردين في نفس الوقت، إن زي ما عقلي اقتنع بيها، قلبي استريح أوي ليها، و بيقوللي يا سامح، هيا دي، ما تسيبهاش و ما تقصرش معاها……..بس أنا لا زلت راجل مؤمن، و بقول لنفسي امشي في الموضوع و توكل على الله للآخر، و ما تسيبهاش، إلا لو ربنا أرادلك غيرها، يبقى خلاص، الحمد لله برضه، و لو دة حصل، يتهيألي ساعتها هحس انه شايللها حد احسن مني و شايللي واحدة تناسبني اكتر، و رغم رضائي بأمر الله كدة و لا كدة، و إن ثقتي بيه مالهاش حد، بس بجد انا بطمع إنه يجعل نصيبي و صلاحي فيها، و يجعلني كذلك سبب صلاح ليها…….

و كل ما اكلمها اكتر، احس اني عارفها من زمان، من زمان أوي، من ساعة ما اتولدت، و كل ما بكبر من و انا طفل، لإنها زيي، فكأني بتفرج على نفسي في حاجات كتير، و رغم كدة كل لحظة معاها ليها طعم غير اللي قبلها، كأني أول مرة بشوفها، بحكيلك زي ما اكون طفل، يمامة بتشرف من كفوفك الودودة، و بتحكيلك زي ما تكوني أمها، و انك الشجرة اللي ربنا جعلهالي أتسند عليها، و اتضلل بضلتها اللطيفة، و اشرب من ميتها النقية اللي بتجري، و الكون احلوّ فعلا، و الدنيا بقت أجمل بكتير……..بيكي………من لحظة ما حسيت قبولك ليا……

و أول ما ابقى بعيد عنك، بفكر فيكي تاني، و بحس زي الطفل اللي فقد أمه و ونسه، و بحس بالوحدة تاني، و بتوحشيني أوي، حتى لو خمس دقايق، عايز انا و انتي نبقى حاجة واحدة لا تفترق، تبقي حتة مني و ابقى حتة منك، و مش عايز الفرحة اللي بحسها و انا بسمع صوتك و كلامك تروح، مش عايزها تروح أبدا، و مش عايز اتعود عليها، عايز اسمع ضحكتك اللي بترن جوايا على طول، عايز اشوف لمعة عينك على طول، و تشنيكة خدودك، و حركة مناخيرك، و نظرتك لتحت لما تضحكي، لما وشك ينور، و قلبي ينور وراه، و يطير…..

و خايف…..خايف اكون بستعجل في مشاعري ناحيتك، و خايف اكون مش جاهز لكنز زيك، و خوفي الأكبر…..إني أكون ما استاهلكيش…..لإني كتير بشوفك فعلا احسن و أنقى مني بكتير و اخاف اجرحك أو ما اوفّيكيش حقك……و زي ما خايف من دة، فانا خايف برضه من احساسي دة، احسن يكون سبب في اني افقدك……..احساسي اللي جاي من انشغالي الدائم بفكرة الحق، حق ربنا و حق الناس، و حقي، و اتعب أوي مع نفسي و انشغل جدا بفكرة اني اعرف اقدر نفسي حق قدرها، و اقدر غيري حق قدره، من غير ما ابخس نفسي و لا غيري، و لا اتغر بنفسي و بغيري و اديهم فوق ما يستحقوا، و شايف ان كل واحد ليه اللي يكافئه و يستحقه، و من هنا كتير بتجيلي الفكرة و بخاف أكون ما استحقكيش، و زي ما بخاف من دي، ساعات بحس اننا مكافئين لبعض تمام، و ساعات بحس إن في ناحية معينة أنا استحق اكتر من كدة، و ان كنت متفهم اسبابك…..

و زي ما انا عارف فانا برضه مش عارف ليه، و مش عارف اعمل ايه……غير اني هحاول ابقى رجل أحسن، عشان زي ما انتي في نظري انسانة كاملة، فانتي تستاهلي إنسان كامل، أو على الأقل أحسن من كدة، و عشان ربنا ما يرضاش حد نقي زيك يتظلم معايا، و مش عايز اشيل وزر زي دة قدامه، و انا مش ناوي اقصر، و مش ناوي استكبر لو أخطأت، و مش ناوي ابخل عنك بحاجة، و رغم كل مخاوفي دي، أنا مستريح أوي و انا بقول للدنيا كلها و بقوللك حقيقة مشاعري ناحيتك اللي لسة بتتكون، بس كأنها بقالها قرون، و اللي ملخبطاني، و محيراني، و مخوفاني، و رغم اني عارف، بس برضه مش عارف، و عايز افضفضلك و اقوللك على لخبطتي، عارفة؟ مش عارف ليه، متونس بيكي و كأنك من دمي، على راحتي معاكي و كأنك أمي، حاسس إني لأول مرة بشوفك و اني بشوفك من أول لحظة في عمري، حاسس إني يمامة بتشرب في كفوفك، و انك شجرة و ضلة و مية بتجري…….مش عارف ليه متونس بيكي و كأنك من دمي، على راحتي معاكي و كأنك أمي، عارفة؟ فرحة كبيرة و صوت مزيكا في قلبي، و كأننا حبيبين اتقابلوا بعد فراق، ليه فجأة بقيت مستني لوحدي، ليه بتكلم و احكيلك و اشكيلك همي، مش عارف ليه، مش عارف ليه، متونس بيكي و كأنك من دمي، على راحتي معاكي و كأنك أمي، و انا وياكي بحس الدنيا فيها سلام و أمان، و ان العالم مفيهوش ولا نقطة احزان، ايدك خلليها في ايدي، أنا طفل كبير، و بحس ان انا و انتي لوحدينا و الكون بستان……

مش عارف ليه، متونس بيكي و كأنك من دمي، على راحتي معاكي، و كأنك أمي…..

مش عارف ليه!!!!!

سامح حجاج

9-10/9/2009

تعقيب مهم:

المقالة دي عبرت بيها عن مشاعري الصادقة ساعتها و مع الوقت البنت دي ما قدرتنيش و رفضتني على حاجات هيا شايفاها من الأول خالص، و بعد كدة حاولت ترجع و انا اللي رفضت لإنها طلعت غير ما كنت فاكر في حاجات كتير و أساءت ليا في حاجات كتير، و بقيت حاسس بأغنية “مالهمش في الطيب” بس متردد لسة في نشرها، و ربنا أراد الخير في شيء آخر و الحمد لله…

سامح حجاج

فبراير 2010

بيقولوا ان الاقتصاد الموجه عكس الاقتصاد الحر، و ان الحكومة في الاقتصاد الموجه بتبقى شايلة مسئولية أساسية في تحديد أسعار السلع و توافرها ، لكن في الاقتصاد الحر الحكومة بتخف ايدها شوية، أو شويتين تلاتة يعني، تقلل الدعم بالتدريج، و في الآخر السلعة هتتباع بسعرها، يعني لتر البنزين اللي بيكلف الحكومة أكتر من 4 جنيه، هيوصل لإنه يتباع بأكتر من أربعة جنيه، بالتدريج طبعا عشان الناس اللي بتزمزأ، لحد ما يزهقوا و يتأقلموا، يقوموا يرفعوا الدعم كمان شوية، و يرفعوه عن حاجة تانية و تالتة، حبة حبة كدة، عالهادي، المفروض طبعا أو هما بيقولوا إنهم هيفضلوا يدعموا المواطن الفقير برضه و هيوجهوا الدعم ليه هو بالذات بدل ما هو رايح على المستحق و غير المستحق، أيا كان هينفذوا و لا لأ، باقي الناس هيعملوا ايه بقى؟؟؟؟

الناس اللي معاها شوية فلوس و لسة قادرة تشتري هتلاقي الحاجات اللي بتجيبها بتغلى، هتعمل ايه؟

هنا بقى تتألق فكرة اليوتيرن!!!!

كان زمان كل شارعين بيتقاطعوا تلاقي فيه إشارة و عسكري واقف بينظمها، و يمكن أمين و ظابط كمان، كان يا ما كان في سالف العهد و الأوان، كان الظابط يشاور فالإشارة تبقى حمرا، و للغرابة، الناس فعلا تقف، و تستنى اللي جاي من الناحية التانية، و من غرائب الصدف إن اللي كان بيقف في الإشارة دة كان بيفهم، كان بيفتح بنظام و برؤية و يقفل بنظام و رؤية، لحد ما الدنيا اتغيرت، العربيات زادت، و كل عيلة من الطبقة المتوسطة و فوق المتوسطة بقى فيها عربيتين تلاتة، و الزحمة بقت خانقة لأن طبعا مش معنى ان احنا زدنا من 20 مليون لـ80 مليون إننا نسيب الوادي و المدن المركزية زي القاهرة يعني!!!!! دي حاجة و دي حاجة تانية خالص!!!!!! و طبعا اللي بيتجند و يدخل عسكري، بيقف في الإشارة و مش فاهم حاجة، و الأمين ما بقاش أمين، و الظابط ما بقاش بيظبط أوي، و الناس ما بقتش تسمع الكلام كدة و لا كدة. من الآخر النظام دة ما نفعش معانا لكذا سبب، ولا حتى من غير سبب، بس أهو ما نفعش و خلاص.

طب ايه الحل؟

ما اعرفش هل الظروف هي اللي دفعت الحل للوجود بصورة تلقائية و لا تفتق ذهن أحد العباقرة عن هذه الفكرة،

الحل هو اليوتيرن U-turn!!!!

مش هما ما بيسمعوش كلام الظابط و لا الإشارة؟ خلاص، الغيها!!! اعملهم دوران بعد مكان الإشارة القديمة بشوية و سيبهم هما بقى يتصرفوا مع بعضيهم عشان يلفوا، العربية دي تزنق على دي شوية، السواق الشديد دة يقص على المدام الغلبانة دي، السريع دة ياكل البطئ دة، مش مهم، المهم إن العربيات ماشية و بيحلوا التقاطعات مع نفسهم و احنا يا حكومة ريحنا دماغنا من اشارات و مخالفات و وسايط عشان المخالفات تتشال و عساكر و أمناء شرطة و ظباط و وجع دماغ، خلي الناس مع بعضيها كدة و ممشية أمورها تمام، يخبطوا بعض، ياكلوا بعض، احنا مالنا، مش هما ما بيشتكوش و شغالين حلو كدة؟

بفكر مع نفسي كدة لقيت إن اليوتيرن دة نموذج معبر جدا لحياتنا في مصر دلوقت.

اهو احنا بقى هنعمل كدة في بعض، الحكومة بتشيل (أو تقريبا شالت) ايدها من تنظيم الأسعار، و احنا بقى اللي هنحدد نقضيها ازاي!!! كل واحد هيغلي أجره في صنعته، في شغلته، في وظيفته، يعني هيغلي في الحاجة اللي بيبيعها أيا كانت و خلاص، أو هياخد رشوة أو هيختلس أو هيسرق، مش مهم أوي بالنسبة للحكومة و الحزب الرشيد، المهم انهم ريحوا دماغهم و الأهم إن احنا اللي هنحدد، بمعنى آخر السوق هو اللي هيحدد، زي ما احنا اللي بنحدد في اليوتيرن.

يعني زي ما احنا بنحل التقاطع الشخصي بين أهدافنا في اليوتيرن، هنعيش حياتنا في التقاطعات برضه و الشاطر يكسب، اللي وضعه أقوى (تاجر حديد في بلد ما وراهاش غير البنا مثلا) هياكل الضعيف، اللي قليل الأدب و ما عندهوش مشكلة ياخد حق غيره هو اللي هيسبق، زي اليوتيرن لما حد ياخد مكانك اللي كنت خلاص داخل فيه، و طبعا البطئ لازم يتاكل، عشان هو مبطأ الطريق و معطله كله، و طبعا، أي حد هيسيب حقه، هييجي حد ياخده منه، زي ما انتا لما تسيب فراغ بينك و بين العربية اللي قدامك، لازم حد هياخد المكان دة منك. و العملية موازين قوى، انتا في مقدرتك ايه و وضعك ايه، و ساعتها انتا بتاخدلك مكان في اليوتيرن.

البقاء للأصلح.

دة كمان لقيت حاجة ظريفة أوي، فكرة اليوتيرن دي كمان فيها تشابه مع أنماطنا كأفراد في المجتمع.

انتا في اليوتيرن ممكن تكون سايق عربية عادية، و ماشي زي ما غيرك ماشي، بتعافر شوية، بتزنق شوية، بتاكل و بتتاكل، بس أمورك ماشية يعني، دة شخص عنده مشروعه الخاص أو مؤهلات خاصة، و بيحاول يلاقي سكته و يوصل مكان ما عايز يروح وسط شارع مفيهوش نظام، و تقاطعات مع ناس تانية ما حدش هيحلهاله، و هو معتمد على نفسه و على إدارته الشخصية لحياته من الأول للآخر، شخص هو اللي سايق حياته، بس في نفس الوقت شغله فيه نوع من الاستقرار،فهو ليه وضع كويس بشغله دة، و مش بيغامر جامد زي واحد تاني جاي بعد شوية.

طب اللي ما معهوش عربية أو ما بيعرفش يسوق؟

عنده كذا حل، ممكن يركب مع حد شديد شوية، أو قليل الأدب شوية عشان يسلك في وسط القلق دة،

يعني مثلا ممكن يركب مع سواق ميكروباس تويوتا مثلا، يعني تشتغل في أي شركة متوسطة في القطاع الخاص، يعني بدل ما تسوق حياتك كلها، اشتغل في شركة فيها حد سايقك، حد عارف النظام أو اللانظام ماشي ازاي، فهو بيوفر عليك حاجة انتا ما بتعرفش تعملها، أو خايف تعملها، أو مش عايز توجع دماغك و تعملها، اللي هي السواقة و الاحتكاك بالواقع اللي في الشارع، بس طبعا بياخد منك أجرة قصاد دة، و لازم تمشي على مزاجه هو، و ما تلامضش كتير يعني، و طبعا الرد جاهز، لو مش عاجبك انزل و الأجرة موحدة!!!!

ممكن برضه تركب أوتوبيس حكومة، هو أينعم بقى أغلى و لسة بطئ و زحمة، بس حجمه حلو و سعره لسة معقول و بيقضي الغرض و موجود على طول، و لسة ليه هيبة، يعني انك تشتغل في الحكومة، و تبقى من أنصار إن فاتك الميري اتمرغ في ترابه، و الأوتوبيس الحكومة طبعا ليه دخلة خاصة على اليوتيرن ما ينفعش تقوللها لأ!!!! هاهاها لو بتسوق هتفهمني طبعا!!!!!

طبعا فيه أوتوبيسات حكومة مكيفة، زي قطاع الأمن بكل أطرافه، بالذات أمن الرئيس و الحزب (سابقا أمن الدولة)، أو ممكن برضه قطاع البترول أو مكتب أي وزير. و دة رغم إنه حكومة بس بيدلعك على الآخر، لأنه بيستغلك استغلال خاص جدا، و بيطلع منك مصلحة جامدة ليه.

فيه طبعا عربيات مرسيدس و الإزاز مقفول و ممكن فيميه كمان و التكييف شغال و هو في عالم تاني، ماهوش معاك خالص، مش حاسس بالدنيا اللي برا ازاز عربيته، و مش موجود معاك إلا بصورته من خلال الإزاز، دة عضو من الطبقة اللي البعض بيسميها الطبقة العليا من المجتمع، دة راجل مظبط نفسه مع الحكومة بصورة أو بأخرى، و معاه فلوس كتير، و دايما حاطط حاجز بينه و بين الناس العاديين، و بيحتاج منهم شوية ناس بس، يعني مثلا بيحتاج السواق اللي هيسوقله العربية، و الطباخ اللي هيطبخله، و الفراش اللي هيفرشله، و السفرجي، و الجنايني…….بس في الآخر هو بعيد عن الناس اللي في الشارع، و هو ما عندهوش مشكلة خالص في اليوتيرن، لأنه في عربية مكيفة، و لأنه مؤجر حد يسوقله زي ما هو عايز، و لأنه ليه سكة مع السلطة، فحتى لو حصل حاجة في أي يوتيرن هيعرف يتصرف، و هو كمان بيكتسب وضع خاص من إنتاج الناس اللي هو مشغلها في مشروعه، اللي بيركبهم في الأوتوبيس المرسيدس المكيف.

دة بيبقى أوتوبيس محترم أوي و فخم و عليه شعار الشركات المحترمة و بتاع، و تلاقي الناس فيها قاعدة في التكييف و باصصالك كدة من فوق بقرف، و اهي مستحملة لحد ما تخلص من الشارع اللي هي مش طايقاه و الناس اللي فيه اللي هيا مش طايقاهم أصلا برضه!!! دول بقى اللي شغالين في الشركات الإنترناشونال بتاعة الراجل اللي فات، هما كانوا أغلبهم ناس عاديين من اللي في الشارع، يمكن تميزوا شوية بتعليم لغات أو تعليم خاص، لهم فكر مميز شوية عن الباقي، بس ما بيحبوش أو ما بيعرفوش يسوقوا برضه، فبيختاروا إنهم يروحوا لحد يسوقهم برضه، بس كونهم مميزين شوية، فهما مش مزنوقين للميكروباس، أصحاب العربيات المرسيدس بيعرفوا قيمتهم كويس و بياخدوهم يشغلوهم، و بيدلعوهم شويتين، و دول أهم حاجة بتميزهم و بيكتسبوا وضع خاص منها إنهم بيصنعوا حاجة أو بيقدموا خدمة السوق محتاجها أوي في بلد مفيهاش حد بيعمل حاجة تقريبا، فعشان كدة ليهم وضع و معاهم فلوس كويسة، بس طبعا لازم يحصل شوية استغلال ليهم برضه، و الفلوس الكتير اللي الراجل بيديهالهم بتخلي بعضهم ممكن يعمل أي حاجة عشان ما يفقدش وضعه، و عشان يعلى أكتر عن الشارع اللي مش عايز يرجعله تاني.

ممكن تبقى صاحب حرفة عصامي بقى أو عندك عمل خاص على قدك، و مش عايز تسيب مكانك في اليوتيرن و عايز تسوق نفسك و مش عايز تركب مع حد و شايف إنك مش أقل من أي حد، بس لا زال فلوسك على قدك، و حرفتك أو شغلتك مش بالقوة أو الاستقرار اللي تخليك راكب عربية، فتاخد القرار الرهيب، إنك تجيب فزبة!!!! الفزبة يعني مشروع صغير أو صنعة بتجيب فلوس، و صاحبها راجل عملي، و مش عايز يسيب مكانه في الشارع، و عايز يبقى ليه وضع، و عايز يبقى سريع و يسبق في اليوتيرن، و في سبيل دة بيدفن خوفه، و بيغامر بإنه يسوق بنفسه حاجة خطر زي دي في شارع ما بيرحمش حد، دة أي حد شغال في السوق من غير ما ينتمي لمؤسسة تحميه، يعني شغال مع نفسه.

يا إما بقى انتا في النص بين المواصلات و بتعدي الشارع مشي، طبعا لازم لاحظت، عشان تعدي اليوتيرن على رجلك، لازم لازم تبقى غلس موت، و رخم يعني، و لأن الحكومة مش عاملالك عبور مشاة و حتى لو فيه عبور مشاة ما حدش من اللي سايقين بيحترمه، و كمان الحكومة ما بتفرضش احترام عبور المشاة (اللي هما الناس الغلابة في المثال الأول)، فانتا ساعتها مضطر تبص للعربيات اللي جاية جري و انتا مش في بالها خالص دي، و انتا اللي تقرر اللحظة اللي هترخم على سواق أحد العربيات و تثبته، و تجبره يستناك تعدي، بدون سبب أكتر من إنه ما يروحش فيك في مصيبة، يعني لازم تقتنص اللحظة اللي تقدر تقطع فيها الطريق من غير ما يلحق هو يعدي و في نفس الوقت يلحق يقف عشان ما يخبطكش.

واضح إن سياسة اليوترن هتزدهر بشدة، و العصر الجاي عصرها الذهبي، و جوهر الموضوع إن ما حدش هيحللنا المشكلة و إن احنا مع نفسنا في المشكلة و الحل، و يطفو السؤال:

يا ترى ممكن نوصل لصيغة و طريقة نعبر بيها التقاطعات اللي ما بيننا بسرعة معقولة من غير ما حد يظلم التاني؟

سامح حجاج

3/8/2008

الغضب الساطع آتٍ و أنا كلي ايمان

الغضب الساطع آتٍ سأمر على الأحزان

من كل طريق آتٍ…..بجياد الرهبة آتٍ

و كوجه الله الغامر…..آتٍ آتٍ آتٍ

لن يقفل باب مدينتنا فأنا ذاهبة لأصلي

سأدق غلى الأبواب و سأفتح ها الأبواب

و ستغسل يا نهر الأردن وجهي بمياه قدسية

و ستمحو يا نهر الأردن أثار القدم الهمجية

الغضب الساطع آتٍ….. بجياد الرهبة آتٍ

و سيهزم وجه القوة

البيت لنا و القدس لنا

و بأيدينا سنعيد بهاء القدس

بايدينا للقدس سلام آتٍ

عظيمة فيروز، شوف كلمات الأغنية عاملة ازاي؟؟ شوف اللحن عامل ازاي؟؟؟ شوف صوتها بقى و الكورال اللي حواليه عامل ازاي؟؟؟؟ و بالذات و هما بيقولوا و يأكدوا وراها “آتٍ آتٍ آتٍ“، حاجة كدة زلزال، زلزال مشاعر و حماس و قوة، في الكلام، تحسسك إن الحمد لله، خير، الأمور هتبقى تمام، و كل شيء في ايدينا، ما تقلقوش يا جماعة، مفيش مشاكل خالص ان شاء الله…………. بس ايه دة……….هي الأغنية دي بقالها كام سنة؟ بقالها كام عشر سنين؟؟؟ يمكن عشرين تلاتين سنة و لا حاجة كدة!!!! ايه دة….هو الغضب الساطع دة ما جاش لسة و لا ايه؟؟ معقولة؟؟؟؟!!!! ايه دة ايه دة، هما عرفوا كمان يقفلوا باب المدينة فعلا و ما عرفناش نصلي؟؟؟؟؟ و بعدين فين جياد الرهبة دي؟؟؟ ما شفتش أنا أي حصنة أو أي بغال أو حمير حتى!!!!!!….ايه دة ايه دة…….هو الغضب الساطع ما حصلش و لا حصل بس ما عملش حاجة و لا يمكن جه و عدى من غير ما ناخد بالنا و لا ايه الحكاية بالظبط؟؟؟؟ انا بصراحة مش فاهم………

أحلف بسماها و بترابها، أحلف بدروبها و أبوابها، أحلف بالقمح و بالمصنع، أحلف بالمدنة و بالمدفع، بولادي و أيامي الجاية، ما تغيب الشمس العربية طول ما انا عايش فوق الدنيا……

الله يرحمك بقى يا عبد الحليم، ضربت البؤ الجامد دة برضه و قعدت تحلف تحلف و في الآخر برضه الشمس العربية غابت و اتنيلت بنيلة اهي، مش عارف بقى عشان انتا مت و لا انتا من الأول كان حلفانك مش في محله، عامة سمانا بقت بتعدي فيها الطيارات الحربية الأمريكية و ترابنا بقى فيه قواعد عسكرية أمريكية، و الدروب و الأبواب بقت مفتوحة ليهم و حاملات الطائرات بتعدي من القناة عشان تضرب العراق، و القمح بصراحة مش بتاعنا، أمريكا بتبعتهولنا برضه، أما المصنع فانتا عارف اللي فيها، مفيش، احنا بنستورد كل حاجة كويس اوي، من الابرة للصاروخ زي ما عبد الناصر قال، و بنصدر بترول خام بالعبيط، فالفلوس كتير يعني مفيش داعي لحكاية المصنع دي و وجع دماغ على الفاضي يا حلم، أما المدنة بقى، فما تشغلش بالك خالص، المآذن كترت أوي و الله يا عبد الحليم، بس المساجد نفسها بتبقى فاضية، بالذات في الصلوات الصعبة زي العشا و الفجر، ما تحبكهاش أوي يعني، و عامة يا سيدي ما تزعلش، حتى اللي بيصلوا بانتظام في الجامع، ما حدش عارف اللي جنبه، و كمان يا سيدي هتلاقي فيه كام نوع كدة منتشرين أوي في المتدينين، يا إما مسلم على مزاجه، يا إما انتا اللي ما تبقاش مسلم إلا لو مشيت على مزاجه، فقشطة يعني، أو “بيس” بلغة العصر، فانا مش عايزك تقلق خالص، و بالنسبة للمدفع بقى، اطمن جدا، احنا الحمد لله عندنا صناعات ثقيلة مميزة جدا، و الحديد عندنا بالعبيط، بنبني بيه قصور و فيلل في المدن الجديدة، عشان انتا عارف بقى، رغم ان لسة مدينة نصر مثلا أكتر من تلت شققها فاضية، بس برضه، نحب نتوسع برضه عشان الشقق مش كفاية، فالحديد عندنا مزدهر، و الصناعة عندنا زي الفل، و كله شايف شغله تمام، أما الولاد بقى فأحب اطمنك إن كل جيل جديد بيبقى أمريكي أكتر من اللي قبله، اه امال، دة احنا بقى عندنا بويفريند و جيرلفريند دلوقت، اه امال ايه، انتا عايز الأجيال الجديدة تفضل متخلفة و تتمسك بالجواز و الكلام الرجعي دة و لا ايه؟؟ لا لا لا، اعقل كدة و شوف التقدم، دة غير إن الأولاد بقيت مثقفة جدا و عارفها أبطالها و مثلها العليا جدا، سبايدرمان و سوبرمان و أوبرا و تايرا و نيو و حاجات عظيمة كتير، و كلها أمريكية طبعا عشان نتقدم، فأرجع و اقوللك، اوعى تقلق على أيامنا الجاية، دي هتبقى زي الفل بالمنظر المبشر دة، و أول ما الغضب الساطع ييجي، هتلاقينا فجأة عملنا المدفع في حوالي نص ساعة ساعة بالكتير، و دبابات بقى و طيارات، اه امال ايه، عشان الغضب الساطع يشتغل كويس، امال يعني هي الحاجات دي مش عايزة وقت و ترتيب و مجهود و لا ايه؟؟؟؟ لا يا عبد الحليم، ما تفتكرناش عبط و لا هبل و لا حاجة، دة احنا واعيين قوي، مش مصدقني؟؟؟ طب استنى انتا بس لما الغضب الساطع ييجي و انتا تشوف بعينك هنعمل فيهم ايه….اه امال ايه، ما اصل احنا مبدأنا واضح، إن الغضب الساطع آت، و هنمر على الأحزان و نصلي في المدينة و كل اللي نفسك فيه، بس انتا اللي مش آخد بالك ان مبدأنا واضح و متأسس كويس، استنى بس و انتا تشوف لما يهوّبوا بس ناحية أرض مصر و يخطوا فيها خطوة، هتلاقي الغضب الساطع جه و فجأة صنعنا الدبابات و الطيارات بتاعتنا عشان احنا عارفين ان ساعتها أمريكا مش هتدينا حاجة، و فجأة دربنا الجيوش، و فجأة عملنا اقتصاد يستحمل يخوض حرب عبيطة و بسيطة زي دي، و فجأة طلعنا الناس اللي فاهمة يعني ايه حرب و جاهزة تستحمل الحرب، و فجأة هتلاقي الناس اللي ما بتصلليش اصلا عندها استعداد رهيب للموت في سبيل الله اللي هو أصعب بكتير من الصلاة، و فجأة هتلاقينا بقينا بنعرف نتعاون مع بعض كمسلمين و عرب و دول، و فجأة هنحط خلافاتنا كلها جنبنا بسلاسة و يسر و من غير ما نضيع وقت في حاجات سهلة زي كدة، و فجأة هتلاقينا همنا في الآخرة مش في الدنيا، فهيبقى سهل علينا أوي نضحي بحاجات كتير عشان نعرف نعمل دة كله………بس خلليك انتا بس واقف على الناصية و كمل سندوتش الشاورمة و ارمينا في وسط النار و اتفرج على الغضب الساطع لما يشتغل أحلى شغل……

خيبر خيبر يا يهود جيش محمد سوف يعود

بؤ جامد برضه ما ينفعش ننساه، و طالما قلنا سوف يعود يبقى سوف يعود طبعا، ليه، لإننا قلنا، و انتو عارفين طبعا، و العالم كله عارف، احنا كلمتنا واحدة، و الموضوع مش محتاج وجع دماغ و لا مجهود و لا شغل سنين و لا أي حاجة، ليه لإننا بنقول كلام جـــــامــــــــد، عايز كلام؟؟ سيبنا بس، هنديك كام بؤ من اللي هما و الراجل بقى يعد ورانا…..خلصت سندوتش الشاورمة؟؟

كدة يا إسرائيل يا وحشة؟؟ تضربي غزة، طب احنا هنوريكي، الغضب الساطع جاي أهو، أهو، بصي، خدي دي بقى، هنخاصمك و هنقاطعك و نقاطع كل المنتجات و البضائع الأمريكية و هنقاطع كمان كل الشركات اللي بتتعاون معاكي، و هنوزع ورق و هنكتب أساميها في كل حتة و هنقول لبعضينا، و هنقاطعهم مقاطعة تامة…………لمدة حوالي شهرين تلاتة كدة بالكتير لحد ما شحنة الغضب الساطع تخلص……بس عشان تعرفي بس ان احنا جامدين……..اه لمؤاخذة نسيت أقوللكم…..أصل شحنة الغضب الساطع كانت جامدة فعلا بس أصل ليها آخر يعني برضه، فهما الشهرين تلاتة و هتخلص الشحنة، و نرجع نشرب و ناكل و نشتري كل حاجة كنا مقاطعينها تاني……و نعيش نمط الحياة الأمريكية تاني……….معلش بقى ما هو اصل مش عارف ايه……و مش عارف مين قال ايه…..و الموضوع دة اصله بيضر مش عارف مين…….و اصل المشكلة في الرئيس الأمريكي دة، اللي بعده هيبقى أحسن ان شاء الله و هيسهر الليالي علشاننا و هيضحي بمصالح شعبه عشاننا، امال ايه، أصلنا ناس بنتكلم صح و الحق معانا………و لوكلوك لوكلوك،

فاكرين نكتة بؤبؤ العظيم؟؟؟ و انا في اعدادي تقريبا سمعت النكتة العظيمة دي، بتقوللك كان فيه واحد سمع عن بؤبؤ العظيم، أساطير عنه و كلام كبير أوي، فأصر يقابله و يعرفه، فراح دور لحد ما عرف إنه قريب من المينا، راح المينا، و قعد يدور لحد ما لقى حد عارفه، الراجل وصفله مكان، دخل لقى أوضة كبيرة، فتح الباب، لقى باب تاني، فتح الباب لقى باب، فتح الباب لقى صندوق كبير مالي الأوضة، فتح الصندوق لقى صندوق، فتح الصندوق لقى جواه صندوق، فتح الصندوق لقى صندوق، فتح الصندوق لقى علبة، فتح العبلة لقى علبة، فتح العلبة لقى ازازة فيها ورقة ملفوفة، فتح الازازة و قرا الورقة، لقى مكتوب فيها روح على البحر و ارمي الازازة في المية هتقابل بؤبؤ العظيم، راح المية و وقف قصاد البحر بيترعش، و راح رامي الازازة، المية ابتدت تدخل في الازازة و الهوا اللي جواها يطلع، فعملت صوت “بؤبؤ“!!!! هاهاهههاهاههاهاههاه نكتة فقع!!! بس الغضب الساطع بتاعنا بقى عامل زي بؤبؤ العظيم كدة، كلنا مستنيينه و متخيلين انه ساعة ما ييجي هنعمل البدع، بس ساعة ما بييجي كل شويتين كدة في الحقيقة احنا ما بنبقاش اكتر من شوية فقاقيع فاضية…………..

لإن اللي قال علينا إن العرب ظاهرة صوتية، كان عنده حق، و لسة لغاية دلوقت عنده حق، احنا بنتكلم و بس، و ننفعل و بس، و عاطفتنا تتحرك يمين و شمال و تفور شوية كدة و ترجع مكانها تاني، و كل واحد فينا بيبص على اللي في ايد غيره و يسأل هو ما اتعملش ليه، و ما بناخدش بالنا من اللي في ايدينا، و ما بنعملهوش، بنتكلم دايما عن ناس تانيين وحشين خاربين البلد و الأمة و الدين، و بننسى إننا احنا الناس دي، و لينا دور في دة ما يقلش عن أي حد تاني…………كل واحد فينا يا إما مقصر في اللي عليه، يا إما سايب حاجات غلط تحصل في محيطه يقدر يصلحها بس ما صلحهاش……و غالبا الاتنين مع بعض…….

لا بس ربنا هيهلكهم، و هندعي عليهم لحد ما ربنا ياخدهم كلهم و يرينا فيهم عجائب قدرته……….يسعدني أن أبلغ نفسي و أبلغكم جميعا إن ربنا مش هيهلكهم بعذاب و معجزة زي ما كان بيحصل زمان……دة ما عادش هيحصل خالص، إلا في آخر الزمان خالص بقى و ربنا ما قاللناش دة امتى…….لكن اللي قالهولنا صراحة و بدون أي غموض، إن احنا اللي شايلين مسئولية الدنيا دي، و انه حملنا الأمانة دي، و انه بيمتحننا في الدنيا دي و دة بالتالي يستتبع إنه سايبنا نشيل، و احنا اللي يا إما هنصلح يا إما هنبوظ، و هنقيم العدل أو هنسيب الظلم يغلبنا………..ربنا بيمتحننا في الدنيا دي، و هو ادانا المنهج كامل و واضح، بس مش هيغششنا و لا هيدينا الإجابة في ضهر ورقة الأسئلة، و لا هيقف في اللجنة يمللينا الإجابة سبحانه و تعالى، عشان كدة قال في سورة التوبة

“قاتلوهم يعذبهم الله بأيديكم ويخزهم و ينصركم عليهم و يشف صدور قومٍ مؤمنين (14) و يذهب غيظ قلوبهم و يتوب الله على من يشاء و الله عليمٌ حكيم (15) أم حسبتم أن تتركوا و لما يعلم الله الذين جاهدوا منكم و لم يتخذوا من دون الله و لا رسوله و لا المؤمنين وليجة، و الله خبيرٌ بما تعملون (16)”

سبحان الله!!!

دة أكتر من كدة، ربنا قال في سورة النساء الآية 75:
“و ما لكم لا تقاتلون في سيبيل الله و المستضعفين من الرجال و النساء و الولدان الذين يقولون ربنا أخرجنا من هذه القرية الظالم أهلها و اجعل لنا من لدنك ولياً و اجعل لنا من لدنك نصيرا“……..يا خبر أبيض!!!! يعني هما هيدعوا ربنا و ربنا يقوللنا احنا اه و الله العظيم احنا، يقوللنا احنا روحوا قاتلوا؟؟؟؟؟!!!!! دة حتى ربنا بيستخدم صيغة استنكارية، “ما لكم لا تقاتلون“؟؟ يعني بيقوللنا احنا ليه ما بتحاربوش عشان الناس اللي بيدعو إن هو سبحانه و تعالى يخرجهم من القرية اللي بيتظلموا فيها!!!!! يا خبر، انتو فاهمين يا جماعة الكلام زي ما انا متهيألي كدة؟؟؟؟؟

يعني اللي انا فاهمه إن ربنا يا جماعة حطنا في مقام عالي و كريم و عايزنا احنا اللي نعمل، تخيلوا؟ ربنا عايزنا احنا نكون خلفاؤه في الأرض و احنا اللي نقيم العدل و الحق في الدنيا، و احنا اللي ننصر المظلومين، و نبقى أداة ربنا في تعذيب الظالمين…….متخيلين حجم التشريف و التكريم…….و المسئولية؟؟؟؟………و بعد دة كله لسة في ناس عايزة تدعي ربنا و بس و ربنا بقى يهلكهم بعذاب من عنده كدة و احنا ما لناش دعوة خالص؟؟؟!!!!!!…………….حاجة كدة شبه كلمة بني اسرائيل لسيدنا موسى عليه السلام “اذهب انت و ربك فقاتلا إنا هاهنا قاعدون“!!!!!

لا دة احنا اللي هنعمل كل حاجة يا إما مش هنعمل، و ربنا مش هيتدخل تدخلات الإهلاك بتاعة زمان، و هيسيبنا يا إما نتبع المنهج بحذافيره و ناخد بكل أسباب الدنيا دي بلا استثناء، و نكسب، يا إما نستعبط و نتدلع و نتواكل عليه، و نخسر، و ساعتها يستبدل قوما غيرنا ثم لا يكونا أمثالنا، الموضوع بسيط، امتحان و مفيهوش غش، خالص…….و لو مش مصدقني لسة و متصور إن ربنا هيخرق أسباب الكون عشان انتا “مسلم“، يبقى هات المصحف دلوقت حالا و اقرا الآية 101 و 102 من سورة النساء، و شوف ربنا بيقوللنا نعمل ايه في ركن من أركان الإسلام لما الكفار يحاربونا، و شوف كدة هو هيتدخل في حاجة مهمة جدا زي دي و لا لأ، هو بس بيقوللك تتصرف انتا ازاي و تاخد بالأسباب ازاي، لكن سبحانه و تعالى مش هيتدخل، رغم إن دة كان الرسول عليه الصلاة و السلام و دول كانوا الصحابة و كانوا بيحاربوا و بيجاهدوا عشانه…….

ملخص الكلام، الحمد لله يا جماعة ربنا مش هيتدخل بالصورة اللي في دماغ أغلبنا، إنه هيهلكهم بحاجة من عنده، لأ، هو عايز يقيم الحق و العدل بمسلمين صالحين بياخدوا بكل أسباب الدنيا و مالكينها تمام، سواء كان المسلمين دول احنا و لا سبحانه و تعالى هيجيب ناس غيرنا، و بينا أو بناس غيرنا، الله غالبٌ على أمره زي ما كلنا عارفين

سيبك، خش في الموضوع، اعمل ايه يعني؟؟؟ مع احترامي للنية الطيبة لكل الناس، بس أول حاجة تعملها من فضلك ما تغنيش أغنية تامر حسني “يا رب مش عارف انا اعمل ايه، يا رب قدرهم عاللي هما فيه، مش عارف اعمل حاجة، نفسي اعمل حاجة” انسى الفكرة دي خالص، فكرة العجز الطفولي دة، و اننا شوية عيال ما فيش في ايدنا أي حاجة، و ربنا بقى اللي هيجيبلنا حقنا، و نقعد ندعي و خلاص……لا…….ربنا جعل في ايدينا كتير، يعني احنا في ايدينا كتير، بس نفسي نبص على اللي في ايدينا بجد مش اللي في ايدين ناس تانيين، يعني كل واحد يسأل نفسه كويس أوي انا في ايدي ايه؟؟؟ يعني سيبك خالص من الريس عمل، ما عملش، حماس سوّت، فتح عملت، العراق مش عارف ايه، وزير الخارجية المفروض مش عارف ايه، ازاي مش عارف مين ما عملش مش عارف ايه، هما ازاي يقولوا مش عارف ايه، اصل هما غلطانين في كذا، و هما اصلهم كان المفروض يعملوا مذا، اصل المدير عمل، و فلان زميلي ما عملش، اصل الحكومة، اصل الناس، اصل الشعب مش عارف ايه، بس لو الناس تعمل مش عارف ايه………………..كل دة كلام ما يخصنيش خالص، مش هيغير حاجة في اللي في ايدي و لا اللي المفروض اعمله، بالعكس، دة يمكن يشغلني عنه و يشتتني عنه……… البلد خربانة و متخلفة و متأخرة في كل المجالات، عشان كدة احنا ضعاف جدا قدام أي دولة اخرى أو وضع سياسي بيتفرض علينا أو ظلم بيقع علينا، دي المشكلة الحقيقية، إننا شحاتين و عالة على العالم بالمعنى الحرفي للكلام، لا عندنا صناعة و لا زراعة و لا أي مجال متفوقين فيه يشيلنا، و بالتالي اقتصادنا زي الزفت، و بالتالي وضعنا السياسي ضعيف جدا و ما نقدرش نكون فاعلين سياسيا، فيا ريت نتقبل الحقيقة إننا شحاتين بالفعل، حتى لو بالكلام ادعينا عكس دة، نتقبل الحقيقة عشان نبتدي نشتغل و نغيرها، هي دي المشكلة الحقيقية، مش اننا ما عندناش نخوة و ما بنغضبش و مش عارف ايه……..

في قرارة نفسنا احنا عايزين نعمل حاجة كدة فجأة و نحل كل مشاكلنا و كله يبقى تمام و نأنتخ بعد كدة تاني!!!!! و عشان كدة من غير ما ناخد بالنا فكرة الغضب الساطع دي متأصلة في وجداننا أوي و بالنسبة لينا فكرة لطيفة أوي، هو هيسطع مرة كدة و نعمل البدع و نحل كل المشاكل و خلاص بقى، كله تمام…….عشان كدة هتلاقينا أو وسطنا ناس عايزة تروح تستشهد بسرعة و خلاص……..هي نفس الفكرة……..آخد موقف وحيد اتعب فيه شوية و خلاص على كدة……كله تمام و نستريح بقى………قليلين اللي بيدعوا زي أحد الصحابة “اللهم أمتني في سبيلك بعد حياةٍ طويلةٍ في سبيلك“، احنا عايزين الحل السهل و السريع……….يسعدني أن أبلغ نفسي و إياكم إن لأ طبعا، مفيش حاجة في الدنيا دي كلها كدة، و ربنا قالهالنا صريحة برضه “لقد خلقنا الانسان في كبد” و دة على فكرة أي إنسان، كافر و لا مسلم………. احنا بنختار طريق في الحياة و مبادئ نقتنع بيها و نعيش بيها و ليها و نحارب عشانها طول حياتنا……أي مبدأ بقى……إيمان و لا كفر….أمانة و لا سرقة………شغل و لا فهلوة…….دنيا و لا آخرة………… يعني مثلا، شايف دينك حاجة تستحق الكفاح من أجلها؟؟؟ يبقى اعمل حسابك هتكافح عشانه طول عمرك و هتبني حياتك على الفكرة دي و تخليها محور حياتك………شايف مصر حاجة عظيمة و عايز ترضي ربنا بإنك تصلحها؟؟؟ يبقى هتخللي الفكرة دي محور حياتك و تكافح علشانها طول عمرك……..بتفكر بصورة أكثر بساطة بانك تعيش حياتك و تستمتع بيها بالحلال؟ يبقى برضه هتخللي الفكرة دي محور حياتك…….عايز تعيش مبسوط في بلدك و خلاص؟ يبقى راعيها و شوف مصلحتها و مصلحتك فين و خلاص………….عندك مشكلة في المنتجات الأمريكية اللي بتدعم الصهاينة؟ يبقى عمرك ما تشتريها، عمرك يعني طول عمرك، يعني هتغير طريقة حياتك كلها و هتضحي بحاجات كتير عشان دة، مش تقاطعها شهر شهرين و خلاص على كدة…….أنا بقيت افكر و اشوف انا عايز ايه بجد من حياتي، و احاول ابقى قده بالفعل، مش بالكلام……….

شايف اننا متخلفين و ضايعين في كل المجالات؟ ما ليش دعوة دلوقت بالناس التانية اللي مش شايفين شغلهم و جايبيننا ورا، عشان هما كمان شايفينني مش شايف شغلي و جايبهم ورا و احنا الاتنين بقى بنتلكك ببعض عشان ما نشتغلش برضه!!!!! يبقى انا هشوف شغلي تمام، هجيب آخري فيه، ابني و ابني و ابني، و عارف إني هلاقي اللي هيحاول يظلمني و ياكل شغلي و حقي، مش مهم، فين مبدأي؟؟؟؟ ابني ابني ابني، ابني و ازرع و اصنع، انا عايز أسمع كلام ربنا لما قال “و قل اعملوا فسيرى الله عملكم و رسوله و المؤمنون” و عايز ابقى من “الذين عملوا الصالحات” اللي ربنا مدحهم كتير أوي في القرآن و طلب مننا نبقى كدة، و الصالحات دي من وجهة نظري هي أي حاجة كويسة و حلال، فاللي يهمني إني دايما ببني حاجات صالحة، و دايما بضيف حاجات صالحة، و دايما عامل فرق ايجابي مش سلبي في الشغل اللي بعمله، و في القيمة اللي بضيفها للمجتمع بتاعي، حتى لو صغيرة، طالما هي كل اللي وصلتله بعد ما فكرت و خططت و قررت كويس و عملت كل المجهود اللي قدرت عليه، و ما بفكرش في نفسي إني أكفي نفسي بالحلال و بس، بفكر في المجتمع كله، لإن مصلحته من مصلحتي، دنيا و آخرة، و مخللي عيني دايما على نفسي إني أكون على ناحية الكفة اللي بتعدل ميزان المجتمع، مش الكفة اللي بتوقعه، أنا ما عادش فارق معايا و لا بهتم اسأل عن تفاصيل اللي بيحصل في فلسطين و العراق و و و و …… مش لإنهم مش فارقين معايا، لأ خالص، أنا محروق علشانهم و علشان ديننا اللي بيتهان بسببنا كل يوم ألف مرة، انا اللي فارق معايا يا ترى دة هيغير ايه من اللي في ايدي و من اللي انا بعمله؟؟ انا أخدت قرار من مدة إني أعمل أكتر تأثير ممكن أعمله في الدنيا دي، و دي سياستي مع كل حاجة في حياتي، عايز أعمل تأثير كويس، بس عيني على الواقع و على الحاجات اللي في ايدي بجد، عشان كدة فاحت نفسي شغل، و عشان كدة غيرت شغلي لما لقيتني مش عارف احقق نتيجة ترضيني لظروف خارجة عني، و عشان كدة همي شغلي الجديد يبقى ممتاز و دايما في تحسن، و عشان كدة همي أعلم اللي حواليا عشان نبقى احسن و ننجح، و نبقى أقوى، عشان كدة بشتغل من 10 الصبح لـ10 بالليل و شايل مليون حاجة على دماغي، عشان انا مش عايز ابقى ظاهرة صوتية، و اتكلم اتكلم و خلاص، أنا شغال، و عارف اني ببني، و لما ربنا يسألني عملت ايه، هقول انا كنت ببني يا رب و مركز على الحاجات اللي في ايديا، إني دايما اعمل عمل صالح، و كل ما كنت ببني أكتر، كنت يا رب بتفتح عليا بقوة أكتر و علم أكتر، و كنت بزيد في الحاجات اللي اقدر اعملها، و كنت بعملها و بشكر نعمتك بإني اعمل أكتر، على قد ما اقدر،……و دة لا زال عشمي فيك يا رب…..إنك تزيدني من النعم و معاها التوفيق لشكرها بإني أسخرها للخير اللي يرضيك…………أنا كدة راضي عن نفسي، و شايف سكتي واضحة، يبقى لو ربنا أراد إن النصر ييجي في عمري، أنا عارف ان انا مشارك فيه مشاركة عامدة متعمدة و ليا الثواب، لو جه في عمر أولادي و لا احفادي، أنا عارف ان انا مشارك فيه برضه مشاركة عامدة متعمدة و برضه ليا الثواب، و حتى لو ما شفتهوش بعينيا، انا راضي، لإني عيني دايما على اللي في ايدي بجد و بعمله و لا لأ، أتجنن انا بقى من نفسي و اتعصب عليها و اجلدها لو فيه عمل صالح أو حاجة كويسة اقدر اعملها و ما عملتهاش، أو حاجة غلط حواليا كنت أقدر أصلحها و ما صلحتهاش، أو قصرت فيها، او كسلت اعملها……غير كدة، مش مهم…………………كمان لإني عارف إن عك أمة بحالها في كام ميت سنة مش هيتصلح في عمري انا بس، مشاكلنا هتاخد سنين و عقود و أعمار في حلها و لازم نفهم و نقتنع بدة كويس، و ما نضيعش وقت أكتر من كدة في انكار الحقيقة دي، عشان نبدأ نبني بجد، كل واحد في مجاله، كل واحد على ثغره، كل واحد فينا شايل طوبة في وسط الهرم لازم تتحط، و لازم كل واحد فينا يخلليه في الطوبة بتاعته عشان يحطها كويس، لإن لو كل واحد بص على طوبة اللي جنبه و شاف هو ما حطهاش ليه، يبقى مش هيتعمل و لا في مليون سنة…….

مش هخللي نفسي بقى أتشتت كل ما تحصل مصيبة ما اختلفتش كتير عن اللي قبلها و لا عن اللي هييجي بعدها بشوية، طالما هو نفس الوضع و نفس الإطار، أنا خلليتني في نفسي، و غيرت و لا زلت بغير أهدافي، و بالتالي نمط حياتي، و طريقة تفكيري، و محور انشغالي، و بقيت مركز على إني احط سياسة ثابتة و مستمرة لحياتي تحقق أهدافي، و ما تتغيرش و ما تتكسرش كل ما تحصل حاجة تأثر على عواطفي، لإني وصلت لقناعات لا تهتز………

أولا: إن الغضب الساطع…….ما لوش لازمة

ثانيا: “و العصر، إن الإنسان لفي خسر، إلا الذين آمنوا و عملوا الصالحت و تواصوا بالحق و تواصوا بالصبر“

سامح حجاج

21/1/2009

نشرت فيContemplations تأملات, Insights رؤى, Life; a Different Angle, Religion, أغاني مسّتني Tagged: فلسطين, فيروز, مصر, أمريكا, الكلام, الله, المقاطعة, النهضة, الأمة, الإسلام, الإصلاح, الحياة, الحساب, الشعر, العمل, العرب, الغضب الساطع, ات, اسرائيل, تامر حسني, غزة ]]> http://egovision.wordpress.com/2009/01/21/alghadab_elsate3/feed/ 9 Vi§ion http://egovision.wordpress.com/2008/10/31/ya-masr-2oumy/ http://egovision.wordpress.com/2008/10/31/ya-masr-2oumy/#comments Thu, 30 Oct 2008 21:47:20 +0000 Vi§ion http://egovision.wordpress.com/?p=151 ]]> يا مصر قومي و شدّي الحيل           كلّ اللي تتمنيه عندي

لا القهر يطويني و لا الليل           آمان آمان بيرم أفندي

رافعين جباه حرة شريفة           باسطين أيادي تؤدّي الفرض

ناقصين مؤذن و خليفة           و نور ما بين السما و الأرض

يا مصر عودي زي زمان           ندهة من الجامعة و حلوان

يا مصري عودي زي زمان           تعصي العدوّين وتعاندي

آمان آمان بيرم أفندي

يا مصر قومي و شدّي الحيل           كلّ اللي تتمنيه عندي

لا القهر يطويني و لا الليل           آمان آمان بيرم أفندي

الدم يجري في ماء النيل           و النيل بيفتح على سجني

و السجن يطرح غلة و تيل           نجوع و نتعرّى و نبني

يا مصر لسّة عددنا كتير           لا تجزعي من بأس الغير

يا مصر ملو قلوبنا الخير           و حلمنا ورد مندّي

آمان آمان آمان…آمان آمان آمان بيرم أفندي يا مصر

يا مصر قومي و شدّي الحيل           كلّ اللي تتمنيه و الله عندي

لا القهر يطويني و لا الليل           آمان آمان بيرم أفندي

يسعد صباحك يا جنينة           يسعد صباح اللي رواكي

يا خضرة من زرع ايدينا           شربت من بحر هواكي

شربت من كاس محبوبي           و عشقت نيل أسمر نوبي

و غسلت فيه بدني و توبي           و كتبت اسمه على زندي

آمان آمان بيرم أفندي يا مصر

يا مصر قومي و شدّي الحيل           كلّ اللي تتمنيه عندي

لا القهر يطويني و لا الليل           آمان آمان بيرم أفندي

يا مصر قومي

كلمات: نجيب شهاب الدين

ألحان وغناء: الشيخ إمام عيسى

آمان: كلمة من تراث الغناء العربي.

بيرم أفندي: بيرم التونسي، أحد العباقرة الذين هاجروا لمصر و أقاموا بها و أحبوها في الفترة قبل و بعد الثورة.

ندهة من الجامعة و حلوان: يقصد الدعوة و الموقف و النشاط الوطني و السياسي لطلبة الجامعة و عمال حلوان زمان.

الزند: الساعد

مليون فكرة بتجري في دماغي و انا بفكر في الأغنية دي، و مليون إحساس بيجري في قلبي، و مش عارف أبتدي منين، قلت أبدأ باحساسي إن الأغنية دي عملت فيا أكتر من أغنية البحر بيضحك ليه، و فجرت فيا مليون إحساس و ذكرى و فكرة و مخلياني مش عارف أتكلم و لا أبدأ منين!!!

أنا هحكي حكايتي الشخصية كنموذج لواحد بيكبر في البلد دي و إحساسي بيها كل شوية.

أنا هبدأ من الأول، أوّلي كطفل، و ممكن أوّل كتير مننا أو كلنا، الواحد بيكبر بيحب نفسه، و بيحب كل اللي حواليه، بيحب أبوه و بيحب أمه، و بيحب اخواته، و بيحب أهله، و بيحب بيته، و بيحب جيرانه، و بيحب الشارع اللي بيلعب فيه مع جيرانه و أصحابه، و بيحب المدرسة اللي بيروحها، و النادي، و يحب يتفرج على الشارع و هو خارج مع ابوه، و يحب يتفرج على السحاب في الشتا، و يحب المطرة، و يحب الصيف عشان يروح البحر الأبيض أو البحر الأحمر حسب الظروف، و يبلبط في المية، و يحب العيد عشان يروح البلد يزور أهله، و بيت العيلة، و جدتي، و أولاد خيلاني و خالاتي، و الأرض اللي ورا بيت العيلة، و يحب يلعب استغماية و ثبت مع أولاد و بنات أخوالي في بيت العيلة و الأرض و الزرع اللي حواليه، و نقعد نجري و نستخبى من بعض و نتخانق انا ثبتتك و لا لأ!! هاهههاهاه، و الحواديت، و الهزار، و حنية الكبار علينا، و شدتهم برضه عشان مصلحتنا، و العيديات طبعا و المبلغ المحترم و الخطة السنوية لشراء حاجة جامدة بعيدية السنة دي!!!!!!

و لما أكبر شوية أبتدي أحس إن كل الناس اللي بحبها دي و كل الأماكن اللي بعشقها دي و كل الحاجات اللي بتبسطني دي حتة مني و أنا حتة منها، و كل المعاني دي متجمعة و متكثفة في كلمة واحدة ما اقدرش أغيرها، كلمة وطن، و مش أي وطن، وطني المحدد جدا

مصر

و أساتذة المدرسة، أستاذ الرياضة اللي علمنا نفكر ازاي، و أستاذ الكيميا اللي علمني ازاي تبقى استاذ و صديق قريب في نفس الوقت، و مشرف الدور اللي علمنا ان احنا رجالة و احترمنا فاحترمناه و سمعنا كلامه، و استاذ الأحياء اللي حسسنا بجمال خلق ربنا، و استاذ التاريخ و الجغرافيا اللي حسسنا بجمال البلد و امكانياتها، و استاذ ياسر، إلا أستاذ ياسر دة، الله يكرمه، علمنا عربي، و علمنا دين، دين بجد، و كان قليل الكلام، كثير الفعل، و لا زال، نموذج حي للكفاح و التدين و حمل المسئولية رغم كل الظروف السيئة، ………. و أستاذ الكيميا التاني، اللي كنت بحبه جدا، و باخد معاه درس، و هو اللي لفت انتباهي أوي للعك و الغلط اللي بيحصل في مناهجنا، و في بلدنا، و اللي افتكر إني في وقته، ابتديت أشوف الوجه الآخر للبلد، ظلم أهلها ليها، و استخفافهم بحقها عليهم، و ظلمنا لبعض…….

أكبر شوية و ابتدي أعرف أكتر في الدين، عن ربنا و عن الإسلام، و عن التوحيد و الشرك، و ألاقي التيار السائد بيركز أوي على إنك تعمل الحاجة لربنا،  إنك لو عملت الحاجة لحد تاني، أو حاجة تانية، تبقى وقعت في شرك، و دة عظيم،و اللي بيقوللك مش فاهم أوي، فبيقوللك كدة و ما بيقوللكش أكتر من كدة، فساعتها بيطلع الكاللو في دماغي، يعني لو عملت حاجة عشان بحب مصر و عايزها تبقى أحسن أبقى مشرك؟………

و أكبر أكتر، و أمشي زي ما الكتاب بيقول، ذاكر، حاضر، اطلع من الأوائل، حاضر، كلية طب دي حلوة و هتتعلم فيها كويس، بس أنا بحب الهندسة! بس طب حلوة و انا هساعدك فيها، طب انا هاخد المجموعة الشاملة و اشوف، ….. ايه دة….المجموعة الشاملة دي صعبة أوي و هاخد درس في ايه و لا ايه!!!! مش هينفع كدة……يا ابني خد مجموعة علمي علوم و الطب جميل و هتتعلم كويس….حاضر!!!…..ايه مناهج الثانوي المقرفة دي….ايه الحفظ اللي مالوش آخر و مالوش معنى دة……

ايه البلد المتخلفة دي…..

طب أنا هذاكر عشان أخش طب عين شمس، أحسن كلية في مصر…..عشان أتعلم بجد بقى….و هستحمل سنتين الثانوي دول بقرفهم و تخلفهم لحد ما أوصل للمكان اللي اتعلم فيه بجد بقى……

طب عين شمس….سنة أولى…..أول أسابيع الدراسة…. الصبح بدري رايح جري عشان ألحق أوصل بدري أحجز مكان في المدرج، الساعة سبعة إلا ربع الصبح أوصل لسلم المدرج، ألاقي وليد واقف على البسطة اللي جنب الباب على طول مستنيه يفتح، و أنا على البسطة البعيدة و بيننا طابور، يقوللي شفت؟ شفت الربع ساعة بتعمل ايه؟!……قلت لك تعالى ستة و نص!!!!!! و نجري في المدرج نحجز، و كل واحد يجري على أول البنش أو آخره عشان يحجز ليه هو و صحابه، و اللي يلحق، و اللي يقف على أول البنش يزحلق كشكوله على البنش لحد ما يقابل الكشكول المتزحلق من آخر البنش من زميل آخر عايز يحجز برضه، و حيث تصادم و التقى الكشكولين صارت حدود حجز كل واحد فيهم!!!!!! غير كدة طبعا كان فيه ناس كتير قاعدة على الأرض….

كل دة ما كانش هاممني برضه، برضه عايز اتعلم و برضه بحب البلد

تعالى للعلم بقى، المحاضرين اللي هما أساتذة و المفروض أعلى دماغات في البلد، متخلفين في طريقة شرحهم و اختيارهم للمناهج و للمعلومات اللي يقولوهالنا و الامتحانات اللي بيحطوها و توهونا و ضيعونا و خنقونا، شوية شوية المدرجات فضيت، كإشارة متزايدة على كفر الناس بفكرة المحاضرة المفيدة و المحاضر اللي بيفهم و بيفهّم، و دروس تاني، و احباط تاني….

هو اللي سبته في ثانوي و قلت أهي مرحلة و استحملها لحد ما تعدي، الاقيه برضه في الكلية اللي كنت متصور إنها أحسن حاجة؟؟؟!!!!

ايه البلد دي!!!!!

و أمي شايفة مصلحتي في حاجة واحدة و مش راحماني، برضه ذاكر و لازم تجيب امتياز عشان تتعين في الجامعة….سنة أولى ما اخدتش دروس و جبت جيد جدا….أمي زعلت مني طبعا….سنة تانية أخدت دروس و جبت 3 مواد امتياز و مادة جيد جدا….زعلت برضه عشان جبت جيد جدا في مادة!!!!!

ابتديت أتضايق من أمي كمان

سنة تالتة حيث منتهى تعذيب طالب الطب بالكم و الكيف، 4 مواد في غاية الصعوبة و أساتذتها منتهى التعقيد (معقدين و منفسنين يعني) و بيطلعوه علينا بقى،

بس انا ايه، قطر، حمار شغل و حمار حفظ و دايس على الرابع، و ما باخدش دروس كمان………و لا هاممني أي حاجة……

و اتعلمت الدرس بالطريقة الصعبة أوي……

جالي اكتئاب فظيع، زي ما الكتاب بيقول “اكتئاب جسيم”؛ شايف الدنيا سودة……و مش شايف أي أمل……و لا أي فايدة لأي حاجة…….و لا أي هدف………و لا حاسس بأي متعة في الحياة……..و حاسس بالعجز الكامل…….و كنت بجد بفكر في الانتحار، و كل ما اشوف سكينة تيجي في بالي فكرة إني أضرب بيها نفسي و استريح……….

و قعدت أقول لنفسي لأ……

حرام، حرام، حرام…….

مش هعمل كدة و أموت كافر، و رغم إن أنا مش شايف أي بصيص للأمل، بس أنا أملي في ربنا، و هو اللي عارف و هو اللي هيحلهالي حتى لو انا مش شايف أي حل، و مش هنتحر

و ابويا يقوللي يا ابني مالك؟ ايه يا بابا ما انا كويس اهه عادي يعني!!! يا ابني لأ، انتا مش سامح اللي اعرفه، لو عايز يا ابني أغيرلك الكلية دي أغيرهالك بس ما اشوفكش كدة…….أغير الكلية!!!! معقولة!!!! بعد تلات سنين معجون فيهم و المجهود دة كله و كل وجع القلب دة و ارميه ورا ضهري؟؟!!! ممممممم……..لا لا، أنا هكمل و بعد كدة أبقى اشوف اعمل ايه……و مش مكسوف أقول إني رحت لدكتور نفسي و أخدت علاج اكتئاب لمدة كذا شهر و كنت بقعد معاه جلسات علاج نفسي و ربنا جعل الراجل دة سبب كبير جدا إني أعدي المرحلة دي في حياتي من غير ما انتحر و لا اضيع……

و لأول مرة من بتاع عشر سنين، و أنا الطالب اللي طول عمري متفوق، حسيت بجد إني هسقط في مادتين، بس ربنا ستر و جبت فيهم جيد و جبت في الآخر جيد جدا بالعافية

بس دي السنة اللي اتعلمت فيها أحد أهم درسين في حياتي، أول درس هو إني ليا آخر، و تاني درس إن لما تلبس في حيطة، ما تقعدش تخبط راسك فيها كتير و تندب حظك و بلدك، فكر و دور على سكة تانية…….بس الفكرة كانت لسة مش مستوية…..

و لسة بحاول أفهمك يا مصر!!!!!!

سنة رابعة و بداية عهد جديد، بقت عندي أولوية وحيدة ساعتها، إن مايجيليش الاكتئاب دة تاني، فمش هقرص على نفسي و أوصل نفسي للمرحلة دي تاني، لا عشاني و لا عشان أمي، و لا أي حد، مع نفسي كدة بقى و براحتي خالص و بتدلع في المذاكرة و براحتك يا سامح و ما تضايقش نفسك خالص و كل حاجة مش مهمة، المهم انتا……..

جيد جدا برضه!!!! لا زادت و لا نقصت!!!!هاهاههها، طب قشطة ما هي الطريقة دي شغالة برضه اهي!!!! هاهاهاهاهاا

سنة خامسة و ساتة، ابتديت ألاحظ في نفسي حاجة غريبة جدا، كل أما اتزنق في مادة أو امتحان في الكلية، و الاقيني هكتئب تاني، أقول لنفسي أنا مش عايز أشتغل طب، و اقول لنفسي أنا هشتغل في شركة أبويا لما اخلص، و اهدّي نفسي بالكلمتين دول، و اول ما يعدي الامتحان و اخلص من المادة، اقول لنفسي و الله الطب دة معقول برضه!!!! ممكن أشتغله!! هاهاهاهاهاها

و اتعلمت إن فكرة الهرب سهلة أوي و بتريح جامد، بس ما بتحلّش حاجة، اللي هتهرب منه يا هتلاقي زيه مكان ما تروح يا هترجع تلاقيه…..و حطيتها في الفرن مع حكاية ما تخبطش راسك في الحيطة كتير!!!!! على ما يستووا بقى!!!! هاهاهاهاه

سنة الامتياز حيث الاحتكاك الحقيقي بعالم الواقع، حيث الناس بتموت قصاد عينك بجد، و انتا مش فاهم حاجة، و شغال زي عامل كدة بتجيب نتايج التحاليل و تودي العيان يعمل تحاليل و يكشف في قسم تاني و تجيبه تاني و حاجات كدة، و ما بتتعلمش حاجة، و النايب مش فاهم حاجة عشان يفهمك، و مش فاضيلك أصلا، و ما حدش فاضيله هو راخر عشان يعلمه، و العيانين ما معهمش فلوس عشان يتعالجوا و الدولة بتسد شوية و شوية كتير ما بتسدش، و ضغط الشغل مع الفوضى مع الفقر مع الجهل مخلية كل حاجة عك في عك…….و أنا ما اعرفش أشتغل في الفوضى دي……

ايه البلد الضايعة دي

و ايه الشغلانة الهباب اللي ما لهاش لازمة دي!!!!

لا يا عم، مش لاعب، أنا هشتغل في شركة أبويا لما اخلص طب….

و عديت على الطب النفسي في الامتياز….

ايه دة….دة ظريف أوي الموضوع دة، أهم حاجة فيه إنه مش طب قوي يعني!!!!! انتا بتقعد تحكي مع العيان و تتكلم معاه و يتكلم معاك و تحس بيه و بمعاناته النفسية، و يطرح مشاكله و تحاول تساعده يشوفها بصورة أوضح و تساعده في حلها، فيه حتة إنسانية عالية أوي و جميلة أوي، و فيه دوا برضه، بس مش دة الأساس الوحيد……. دة غير إني حسيت إني بفهمه بسهولة، و جاي على نفس موجة تفكيري كدة، ما بحتاجش أتعوج عشان ألقطه…….و الله ظريف، هو أينعم التخصص كان في بالي من زمان، يمكن من ساعة ما جالي اكتئاب و حسيت يعني ايه معاناة مرض نفسي، و شفت الدكتور و العلاج فرق معايا ازاي، بس لما شفته عملي كدة نور في دماغي و قلبي أوي…..

يا إما طب نفسي يا إما مش هشتغل دكتور أصلا

و الله البلد دي ممكن يكون فيها خير برضه

طبعا ما ليش تعيين و هروح وزارة الصحة و انا و حظي بقى، قلت لأ، يا طب نفسي يا مش لاعب، حاولت و الحمد لله نجحت في نقل تكليفي لمستشفى العباسية للصحة النفسية، آه، أيوة، السرايا الصفرا، اه، بمزاجي و رايح برجليا…..

كان عهد العباسية الذهبي، عهد ما كان أ.د./ محمد غانم ماسك الأمانة العامة للصحة النفسية، هو اللي وافقلي على النقل، و هو اللي نقل العباسية نقلة نوعية من كونها سجن للمرضى النفسيين، لكونها تبقى مستشفى بتبتدي تعالج المرضى بجد، و كنت أكثر الناس حماسا، و احضر و اسمع و اسأل و اروح الجامعة اتعلم و ارجع المستشفى أحاول أطبق، و اتناقش مع دكتورة منى أخصائية القسم، و تشرحلي و تقوللي، و يا تقنعني و تعلمني حاجة جديدة يا إما تاخد برأيي……أينعم هما كانوا خمسميت جنيه اللي باخدهم، بس كنت ساعتها راضي عشان حاسس إن فيه أمل و إن ليا تأثير و دور……شوية و اتعين حاتم الجبلي وزير صحة، و شال دكتور غانم و عين دكتور ناصر لوزا، و للأسف الأمور ابتدت تسوء تاني، و عاد كثير من الفساد و الفاسدين اللي كان دكتور غانم نجح إنه يبعدهم، و في نفس الفترة تقريبا اتنقلت لقسم تاني، معايا فيه أخصائي مختلف، بييجي كل يوم، و يقعد في الجنينة اللي قصاد القسم، و اما شفت القسم فيه ايه، لقيت بلاوي، العيانين بقالهم سنين على نفس العلاج و ما بيتحسنوش و ما حدش كمان فكر يغيرلهم الدوا رغم إن فيه بروتوكول علمي عالمي محدد لتغيير العلاج بعد فترة محددة بدون استجابة مناسبة من المريض و تحسن مناسب، و بقى من بديهيات المهنة، آجي اعمل البديهيات، ألاقي الراجل دة واقفلي، و كأني بقول كفر!!!! و يقوللي يا دكتور سامح الحاجات اللي في الجامعة دي غير الواقع خالص، المهم الخبرة العملية!!!! هاهاهاهاهاها، بيني و بين نفسي طبعا!!! يعني مثلا فيه دوا اسمه كلوزابين، بتبتديه مع العيان بالتدريج لحد ما توصل للجرعة العلاجية، اللي هي في الكتب و المراجع العالمية من 300 مجم لحد 900 و ممكن 1200 في حالات نادرة لو العيان ما اتحسنش و احتاجت تزود، الباشا ممشي العيانين كلهم على 100 أو 200 مجم و كلهم مش متحسنين!!!!!! خبرة ايه حضرتك هي دي فيها قوالة؟؟؟!!!! هاهاهاههاه

و الأنقح بقى إنك تلاقي الممرض فاكر نفسه بيفهم أحسن منك، و ممكن تكتب انتا دوا مناسب بس هو ما يديهوش لأي سبب، دة غير بلاوي كتير لا داعي لذكرها في المستشفى نفسها و نظام إدارتها……

ملخص الكلام، لقيت نفسي ببذل 70% من المجهود اللي ممكن أبذله (مفيش مجال لأكتر) و بحصل على 30% نتيجة، سواء من الناحية المعنوية إني ألاقي العيان بيتحسن، أو من الناحية المادية، هي الخمسميت جنيه برضه و النبتشية من بالليل للصبح بسبعة جنيه إلا ربع!!!

دة ايه البلد الغريبة دي!!!!!

مش لاعب

ما اهو انا مش هقعد أخبط راسي في الحيطة كدة كتير، لازم أشوف حل…..

طب أهج؟ أسافر يعني؟ هما الناس بيعملوا ايه؟؟ كتير من دفعتي يا إما سافر يا إما حاول يا إما بيشوف هيسافر ازاي، ان ما كانش كل الدفعة، لإننا اكتشفنا متأخر أوي إن الطب مهنة محبطة جدا و غير مقدرة خالص في مصر، و لو حد عايز يجادل في دي يتفضل يقوللي هو بيدفع لصبي الميكانيكي أو صبي السباك أد ايه في شغل ساعة و بيدفع أد ايه للدكتور الشاب زينا كدة في الكشف؟؟؟!!!!

اللي مش عارف ممكن أقوله، انتا ممكن مثلا تخلي الميكانيكي يفكلك عمة الموتور و يطلع البيكات ينضفهالك مثلا و يظبط الكهربا، و يركب كل دة تاني، كل دة في نص ساعة-ساعة بالكتير، و هياخد من 15-30 جنيه حسب الظروف. السباك بقى هياخدله 30-50 جنيه على الأقل….

دول اللي بيصلحوا العربيات و الحمامات…..

تعالى بقى للي بيصلح البني آدمين، تعالى للطبيب اللي بيطلع عينه في المذاكرة من حضانة لحد ما يخلص طب، يعني 20 سنة بيذاكر عشان يفهمك و يعرف يصلّحك، و لسة بقى هيبدأ حياته، هتديله كام أو المستشفيات بتشغله بكام؟؟ عشرة جنيه؟ عشرين جنيه؟؟ تلاتين جنيه؟؟؟؟

معلش أصل الطب مهنة إنسانية!!!! بس طبعا إنسانية على اللي بيدفع فما يدفعش أوي، بس مش إنسانية خالص على الدكتور الغلبان اللي برضه إنسان عايز يلبس “معقول” و ياكل “معقول” و يعرف يتجوز و يفتح بيت و يعرف يصرف على بيته و عياله بعد كدة من غير ما يضطر يعيش عالة على أهله طول عمره أو يضطر يموت ضميره و ياكل لحم العيانين!!!!!!!!

دة الطب عامةً، فما بالك بقى بتخصص حديث نسبيا و صعب استيعابه زي الطب النفسي…..

فمن الآخر شباب الأطباء، كل واحد بيشوف هيهج ازاي، اللي بيعمل معادلة أمريكية، و اللي بيعمل بريطانية، و استرالية، و كندية……

ليهم عذر كبير طبعا،

بس أنا أقول في بالي، يعني اروح بلد بتحاربنا و بتقتلنا زي أمريكا و لا بريطانيا و أبقى جزء منها و اخدمها؟

لأ،

مهما وصل بيا الحال، أنا ما ابقاش ترس في مكنة بتدعكنا و تفرمنا، كمسلمين و كعرب و كمصريين و كأي حاجة، ما اعرفش أعيش كدة، و ما اقدرش أقابل ربنا كدة، حتى لو حد حاول يقنعني (و كتير حاولوا) إني أروح اتعلم و ارجع حاجة عظيمة افيد بيها البلد!!! لأن دي نظرية فاشلة و غير قابلة للتطبيق، لأن اللي بيروح بيتعلم حاجات دقيقة جدا غير قابلة للتطبيق في مصر، و اللي هرب منه في مصر، بيرجع يلاقيه تاني، فهيهرب تاني، فعملنا ايه يعني؟؟؟؟

يعني مع احترامي و تقديري لإنجاز عظيم زي إنجاز دكتور أحمد زويل، عرف يطبقه في مصر؟ عرف ينفع بيه حد في مصر؟ لأ طبعا، لأن ما عندناش صناعة و لا أساسيات علم أصلا عشان نفهم يعني ايه معنى و تأثير مفهوم الفيمتوثانية!!!

مع احترامي ليك يا دكتور زويل، انتا أضفت للإنسانية، و العالم كله عارفك، بس أستاذ ياسر اللي ما حدش عارفه أضاف ليا و لمصر أكتر بكتير منك، حتى لو انتا اللي مليت الجرايد و ما حدش دريان أستاذ ياسر عمل ايه، أنا آخد بالي و بقول أنا عارف يا أستاذ ياسر انتا عملت ايه فيا و عملت ايه مني أنا و غيري، و مش ناسي كلمتك ليا إني إنسان محترم، اللي خلتني أبقى عايز بجد أبقى و افضل إنسان محترم، و حتى لو الكل نسي، أنا مش ناسيك، و مش ناسي أد ايه استحملت انتا و باقي المدرسين المحترمين اللي زيك اللي عدوا عليا و على غيري عشان تعلمونا الصح و الدين و الانتماء و العمل و العلم و كل حاجة جميلة، أد ايه بنيتونا من جوة……

زي المصري القديم اللي ساهم في بناء الهرم……وسط الزحمة كدة كان فيه ناس بتحط الطوب اللي جوة الهرم، ناس مش باينة خالص بتحط الطوب اللي مش باين خالص، الطوب اللي هو عمود و قلب الهرم، قليل أوي اللي بياخد باله من الحكاية دي، احنا ناخد بالنا أوي من آخر طوبة في أعلى نقطة في الهرم، الطوبة الدهبي…….زويل…….الطوبة الهرمية دي اللي شكل الهرم ما يكملش إلا بيها، و نقول الله، جميلة أوي الطوبة دي، و جميل و عظيم أوي الهرم بيها، و ننسى ان الطوبة دي عمرها ما كانت هتكون و لا تبقالها أي قيمة من غير الطوب اللي مش باين، اللي جوة الهرم.

طب ما تهاجر لدولة محايدة نسبيا زي كندا و لا أستراليا؟

لأ…….مش عايز أسيب مصر !!!!!!!!

ايه دة

هو انا لسة بحب مصر و لا ايه؟؟؟

رغم دة كله؟؟؟؟

و مش عايز أسيبها!!!!!!

و عايز أبنيها كمان؟؟؟؟؟!!!!!!

ازاي يعني!!!!

كل العيوب دي و البهدلة دي و بحبها و بتخانقلها كمان؟؟!!!

أنا في فترة كنت حانق على أمي جدا، و شايف إنها ظلمتني في حاجات كتير بضغطها عليا، و في بعض اللحظات حسيت بكراهية ناحيتها كمان، بس كنت بحس بصراع شديد جوايا بين الكره و الحب، و لو ما كنتش بحبها ما كنتش حسيت بالصراع دة أصلا……..

طب بحبها ليه؟؟؟؟

هل عشان جميلة؟ هل عشان طيبة؟ هل عشان متدينة؟ هل عشان حقانية؟

طب ما فيه ستات أجمل و أطيب و أكثر تدينا و حقانيين أكتر منها……

أنا بحب أمي ليه؟

هل عشان ربتني؟ و علمتني كتير من اللي اعرفه؟ و علمتني أصلا ازاي افكر و أبقى منظم؟ هل عشان حبها ليا؟ و حرصها عليا؟ و كفاحها و تضحياتها اللي مالهاش آخر عشاني أنا و اخواتي؟؟؟؟؟؟ هل عشان بنتني و وقفتني على حيلي؟ هل عشان وقفت جنبي سانداني طول ما انا بكبر؟؟؟

و لا عشان أنا نازل من بطنها؟؟؟؟

و شايفها و حاسسها امتداد ليا و انا امتداد ليها؟؟؟؟؟

يعني حبها من حبي لنفسي؟؟!!!!!

………

اللي اعرفه إني لما كبرت و وعيت كدة و ابتديت أقيم الأمور بصورة أكثر موضوعية، لقيت إن أمي مش ملاك و مش شيطان، أمي إنسانة عظيمة فيها مميزات و فيها عيوب، مميزات مالهاش حصر و لا آخر، و عيوب معدودة، أمي نيتها كويسة و عملت خير فيا و في غيري كتير، أمي فضلها عليا و على كل حاجة وصلتلها و لسة هوصللها كبير، و ما اقدرش أنكر دة، و كل دة يزيد و يفيض أوي عن أي حاجة غلط أو سلبية فيها أو عملتها فيا بحسن نية أو حتى بقصد!!!!!

يفيض فوق الوصف يعني مش حاجة بسيطة…….

و كذلك مصر

آه مصرفيها عيوب، بس قبل ما تكون فيها عيوب فمصر هي برضه كل حاجة جميلة حصلت في حياتي…..كل لحظة حلوة……كل ضحكة مع حد قريبي و لا صاحبي……كل حاجة حلوة فيا أنا شخصيا زي ما في غيري……و آه نظام التعليم فيه عيوب، آه الطب مظلوم، بس برضه آه، أنا اللي ماشي في دة كله بمزاجي، قالولي اعمل قلت حاضر، عملوا قبلي و قلدت زي العبيط و عملت زيهم، و انا اللي كل دة ما دورتش على سكة تانية، و مش من حقي ألوم حد، لا ألوم أمي و لا أبويا و لا اللي حواليا، هما ما بخلوش عليا في إنهم يقولولي اللي هما شايفينه و متصورينه صح و أفيد لي، و انا أمّنت على كلامهم و عملت كدة، بقى قراري انا الشخصي مش قرارهم…….

طب ماشي……دي كانت مرحلة فاتت و عايز أشوف حل دلوقت بقى في البلد دي…..أعمل ايه؟؟؟؟

مش عارف!!!!!! اكتشفت أد ايه أنا بني آدم قليل الحيلة!!!!!!!!

طب ألجأ لمين؟؟

ما ليش غيره طبعا، حتى لو ساعات أنسى و يا رب اغفرلي دة

سبحان الله، قعدت أدعي ربنا من حوالي 3 سنين في رمضان، و فاكر كويس، شفت حلقة عمرو خالد عن اسم الله “الفتاح” و قعدت أدعي يا فتاح افتح عليا، يا فتاح افتح عليا، يا فتاح افتح عليا، الحمد ليك يا رب يا فتاح، ربنا فتحلي باب، فرصة، ممكن تكون صغيرة و ممكن تكون كبيرة، شغل في شركة خاصة في حاجة غير الطب، في مجال جديد نسبيا له علاقة بالطب، بس مش مضمون، مغامرة رهيبة بالنسبة لي، هبعد عن مجالي، عن التقليد، عن المعتاد، هخرج عن الفكر المصري السائد، معقولة هتشتغل حاجة غير الطب؟ هخرج عن الخط؟؟؟!!!!!! و انا اللي طول عمري ماشي علي الخط و بسمع الكلام بالحرف؟؟؟!!!!!! ممكن خطوة زي دي تكون أكبر نجاح في حياتي في مصر و ممكن تكون أكبر فشل في حياتي في مصر و أخسر كل حاجة………

بس انا قلت كفاية خبط راس في الحيطان، لو عايزين نعيش أحسن في البلد دي يبقى لازم نفكر بصورة مختلفة و نتغير و نتأقلم، لازم نفكر بصورة أكثر عملية و واقعية و نجرب حاجات جديدة و طرق جديدة لأن واضح إن الطرق القديمة اللي ورثناها دي مش نافعة، اتدربت في الشركة و فعلا اشتغلت فيها و الحمد لله لقيت فيها كتير من اللي انا عايزه، و اتأكدت من قدرات كتير فيا الحمد لله، و من ساعة ما رحتها و انا عمال أبني و اطور و ابتكر و لاقي نفسي أوي، حتى رغم إن كتير من الأوقات ما حدش كان دريان انا بعمل ايه و لا ببني ازاي، بس الحمد لله، ربنا ما بيضيعش حد، برضه نجحت و اترقيت فيها بسرعة قياسية، اترقيت 3 مرات في سنة و نص، و مرتبي اتضاعف كذا مرة، و حسيت باستقرار مادي أكتر و ثقة في نفسي أكتر، و الحمد لله وصلت لكتير من اللي انا عايزه……

و لسة برضه ماشي في الطب النفسي، بس بسرعة أبطأ طبعا عشان أولوياتي اختلفت……..

هتقوللي يعني الشركة بقى هي المكان المثالي اللي لقيت فيه أحسن فرصة و أجمل نظام و ألطف جو؟؟؟!!!

لأ طبعا، العكس تماما، لو تعرف كمية المشاكل و الصراعات و الغموض و التخبط، تقول العكس، بس اللي لقيته و فهمته و وعيته كويس، إن هيا دي  مصر، لإن هما دول المصريين، مميزات كتير، و عيوب برضه، و اللي هتجري منه في حتة، هتلاقيه في التانية، يبقى شوفلك حاجة بتحبها و تحب تعملها و تناسبك أكتر، عشان تستمتع بمميزاتها، و كمان تعرف تقبل و تستحمل عيوبها، و أحسن لك تواجه العيوب دي و تشوفلك صرفة معاها، بدل ما تقعد تخبط راسك في الحيط……..أو تضطر تعترف بالهزيمة و تهرب من البلد……

ملخص الكلام، أنا راضي عن الخطوة دي، حتى لو بعد شوية حصلت مصيبة و لا سبت الشركة و لا أي حاجة، لأن الخطوة دي علمتني حاجة عني و عن  مصر، و لأني بقيت أكثر وعيا بالواقع في مصر، بمميزاتها و عيوبها، و أكثر قدرة على التأقلم معاه، و بقيت أشوف حاجة تانية جوهرية جدا……

إن حبي لمصر زي حبي لأمي، مش اختيار، و مش قرار، دة فطرة اتطبعت عليها من ساعة ما اتولدت، و لو حاولت أغير دة أبقى بشوّه نفسي و تكوين فطرتي……

آه، فيها ما فيها، بس آه برضه، فيها ما فيها من خير، و كل ما فيا من خير فربنا جعله فيا من خلالها، من خلال مصر، مصر المكان و التاريخ و الأهل و الأصحاب……..

مصر أنا و مصر أمي و مصر أبويا، و مصر اخواتي محمد و أسامة، و مصر ولاد أخوالي هيثم و أحمد و أحمد و أحمد و شيماء و رباب و مروة و خالد و طارق و عمرو و وليد و وائل و أحمد و إسلام و تامر و سلامة و أحمد و جهاد و محمد و جيهان و ريهام و فهيمة و إلهام، مصر جيراني و أصدقاء الطفولة محمد و وليد و منى و جيرالدين (جيجي) و كارولين (كارو) و مينا، مصر اصحابي في الحضانة عمر و ياسمين، و في ابتدائي أحمد و خالد و محمد و مايكل، و في الإعدادي و ثانوي علاء و وليد و حازم و فؤش و إيهاب و شبانة، و في الكلية هيثم و زياد و إيهاب و عمر و هيثم و عبد الرحمن……

مصر أساتذتي واحد واحد و واحدة واحدة، حتى مس نجوى في ابتدائي، مش ناسيكي و لسة بحبك و لسة معلمة فيا بذكائك، حتى مس سوفي في حضانة، مش ناسيكي و لسة بحبك و معلمة فيا بحنيتك……

مصر عمي ياسين ، و عمي محمود، و عمي فوزي، بحبكم و بموت في هزاركم، و كل ولادهم و بناتهم…….و رغم إن بعد المسافة بيننا مخللياني مش قادر أسافرلكم كتير بس برضه في بالي و بحبكم و نفسي أقربلكم أكتر……

مصر سندوتش سجق بالشيدر من عند زيزو……ولا طبق فول من عند حمادة الدولي و لا جحا الأصلي…..الأصلي مش أي حد…..هاهاهها……أو سندوتش من عمو حسني…..أو أكلة كباب و كفتة بسلطاتها من بلبع اللي قصاد كارفور في اسكندرية…….و لا كوكتيلاتك يا تفاحة، و الحمد لله إنهم فتحوا في مدينة نصر جنب دار الإمداد و التموين، بدل ما اطخ المشوار للسيدة زينب عشان أشربلي جردل سيد قشطة!!!!!! هاهاهاها….. مصر هي برضه بيسترو للأكل الإيطالي…جامد موت…..و لا محل الأكل التايلاندي اللي في خن كدة أدام بنزينة موبيل اللي في رابعة….موتايارا أيام و كامبونج و يا لهوي على التوابل بتاعتهم!! هاهاهها

مصر هي الحب الشديد اللي بحسه و السعادة الغامرة اللي بتجري في كل خلية في جسمي لما أشوف هيثم صديق عمري، و كلامنا الممتع اللي ما بينتهيش في أي موضوع، و ضحكنا اللي من القلب لحد ما بؤي يوجعني و خدي يتشنج من كتر الضحك

مصر أستاذي، دكتور فؤاد كامل، و لحظات لا تنتهي من الحوار و الهزار و الفكر البناء و الحب……مصر أستاذي دكتور غانم، اللي علمني كتير، و دكتور علاء و دكتورة منى……..و دكتور أسامة و دكتور مطري، و ما أدراك ما أسامة و ما مطري!!!!!! بدون مبالغة الناس دي أظرف من أي كوميديان عدى على السينما المصرية و كانوا بيموتونا من الضحك كل شوية عشان يخففوا عننا الضغط………

مصر زمايلي و صحابي، وليد و نيرمين و مها و علا و إيهاب و دينا و ياسمين و دعاء…..

مصر زمايلي و صحابي في الشركة، عمارة و شاكيل و رامي و رباب و رامي و ريهام و أمنية و إيناس و غادة و فاطمة و أسماء و أماني و هاني و محمد و سيد، حتى محمود الخنيق هاهاهها، و رفعت و عصام و مصطفى و نجدة و سها و نهلة و مروة و داليا و ياسمين……

مصر زمايلي و صحابي اللي الظروف الصعبة اضطرتهم يسيبوا الشركة، إيهاب و توفيق و مؤمن و سارة و هبة و ماهيناز و أحمد و أشرف و أحمد و عبد الله و دينا و عمرو و أنس و رحاب و رحاب و هند و أميرة…………

و غيرهم و غيرهم………

مصر كل اللي بيحبوني و بحبهم……و اتعودت عليهم و اتعودوا عليا….و هزرنا سوا و اتخانقنا سوا ……و استحملوني و استحملتهم…..و ضحكنا سوا……و زعلنا سوا

و عـمـلـنـا و بنيــنـا سوا…….

مصر مسجد أبو بكر اللي جنبي، و مسجد الأنصار اللي جنبي برضه و بيأخر شوية فبلحق أصلي فيه جماعة لو اتأخرت شوية، و مسجد نمرة بقى اللي بيقيم بعد نص ساعة فلما أتأخر قوي ألحق برضه أصلي جماعة فيه !!!!! هاهاهههاهها…….

مصر اللي بروح أي مشوار في أي حتة فيها و مش حامل هم الصلاة، لأني عارف إن في أي شارع و أي حارة فيكي يا مصر هلاقي جامع أو زاوية جميلة أصلي فيه أو فيها……..

مصر هي الشيخ أسامة و الشيخ محمد و الشيخ أبو بكر اللي بنولي فكري الديني و شالوا صراصير كتير كانت في دماغي!!!!!!

مصر خطب الجمعة اللي ساعات أطلع منها عامل دماغ و قلبي منور كدة و ساعات أطلع اسب و ألعن في اللي ساب البني آدم دة يطلع يخطب فينا!!!!!!هاهاهههاهاهاههه

مصر هي نجوم منورة و ناس تحبها و تحترمها و تقدرها حتى لو اختلفت معاها، و بنوا في البلد و اضافولها و أضافوا فينا و لينا و فرحونا،

زي أستاذ ياسر و الجنود المجهولين اللي زيه، أو المعروفين زي عبد الوهاب المسيري و الشعراوي و عباس العقاد و ابراهيم عيسى و أحمد فؤاد نجم و أم كلثوم و عمر خيرت و عبد الوهاب و الشيخ إمام و القرضاوي و عمرو خالد و نبيل فاروق و أحمد خالد توفيق و محمد صبحي و عبد العاطي صائد الدبابات و أبو تريكة و الجنزوري و المحجوب و عادل لبيب

مصر هي ملايين البنات اللي ملوا المساجد في رمضان بيصلوا التراويح، مش الشوية اللي ملوا شواطئ مارينا بالمايوهات…..

مصر مش حاجة نعترف بيها و لا ننكرها!!!! نفتكرها و لا ننساها!!!!! نركز معاها و لا نحطها على جنب كدة و نطنش!!!!!!! زي ما احنا سجناء أجسادنا اللي اتولدنا بيها، فاحنا برضه سجناء انتماءنا اننا مصريين بالمولد!!!!!

كأن جسمي و جسم البلد امتداد واحد، دمي بيجري في النيل، و أرض مصر هي باقي جسمي

الدم يجري بماء النيل و النيل بيفتح على سجني، السجن يطرح غلة و تيل، نجوع و نتعرى و نبني…….

هروح من نفسي فين يعني؟؟؟!!!!!

مصر هيا احنا، هي الشيء اللي يمثلنا كلنا، يمثل مجموعنا على بعض، و في نفس الوقت هي القيمة اللي بتجمعنا ببعض، و هي مجموع ماضينا و حاضرنا و كمان طموحاتنا اللي سايقانا للمستقبل،

لو مصر حلوة يبقى عشان احنا حليناها، لو وحشة يبقى عشان احنا وحشناها، لو نص نص، يبقى عشان احنا نص نص، بس كدة و لا كدة…..

الواحد بيحب نفسه عشان هي نفسه و ماينفعش أقول أنا واحد تاني، بيحب امه في الآخر ببساطة عشان هي امه و ما لوش أم غيرها و غير كدة يبقى بيضحك على نفسه،

و بيحب بلده عشان هي بلده، هي حتة منه و هو حتة منها، و غير كدة يبقى بيستعبط على نفسه برضه مش على حد تاني!!!!!!!!!!!!!!!!

و انا متأكد إن مش انا بس اللي بحب مصر، لسة فيه كتير بيحبوها رغم كل شيء، و أنا حاسس بالانتماء للي بيحب مصر، و احب اقول لنفسي و اقوللكم ما تخافوش، احنا لسة عددنا كتير، و كلنا مع بعض في مركب واحدة بنبني الهرم من جوة و من سكات…….

طب و ربنا؟!!! ييجي فين بقى في قصة الانتماء لمصر دي؟؟؟؟

أنا كنت في الأول شايف فيها تناقض، بس مع الوقت ابتديت أفهم أكتر و اشوف الأمور بصورة أحسن، هو ربنا مش قال “إني جاعل في الأرض خليفة” ؟؟ خليفة فين يعني؟ مش في الأرض دي؟؟ يعني بالنسبة لنا كمصريين اتولدنا هنا، يعني خليفة في مصر يعني؟؟؟؟؟؟ و لا انا بخطرف؟؟؟؟؟؟؟

و بعدين ربنا طلب مننا ايه؟ مش إننا نؤمن بيه و نوحده؟ آه …….و نعبده؟ اه ……..و ايه كمان؟ هتلاقيها كتير أوي في القرآن : “آمنوا و عملوا الصالحات” سهلة خالص، آمن، و اعمل عباداتك، و اعمل خير بعد كدة، يعني كل حاجة جميلة اعملها، كل احتياج عندك، لبيه بالحلال، “قل من حرم زينة الله التي أخرج لعباده و الطيبات من الرزق” (الأعراف) ؟؟

و مش احنا اتأمرنا اننا نشكر النعم؟ يعني ايه نشكرها يعني؟ اللي انا فاهمه إن شكر النعم يعني نسخرها في عمل الصالحات، مقرين إنها من ربنا اللي خلقنا و أنعم علينا بيها…..عشان نقابله و نقوله احنا عملنا بيها حاجة ترضيك…….

طب مصر دي مش نعمة؟؟؟؟

الأرض الخصبة دي و النيل الجميل دة و الناس الجميلة دي…..كل دي مش نعم ربنا أنعم علينا بيها؟

مش هنتسئل عملنا ايه بمصر؟

و عملنا ايه لمصر؟؟؟؟

“إنا جعلنا ما على الأرض زينة لها لنبلوهم أيهم أحسن عملا” (الكهف)

زي ما مصر هي الكيان المادي اللي ربنا أنعم علينا بيه و بنعمل بيه، فمصر هي برضه الكيان المعنوي اللي بيجمعنا و بنعمل ليه، اللي في الآخر هنقول انه حقق حاجة عظيمة في الدنيا دي، و نقابل ربنا مع بعض كدة نقوله احنا بنيناها بالحق و بالحلال و عملنا الخير دة كله عشان نبقى خلفاء بجد و نعمر الأرض بجد و عشان نشكر نعمتك علينا و عشان ندخل جنتك…..

مصر مش حاجة جنبك يا رب، دي امتحانك لينا عايزين ننجح فيه، و نعمتك علينا عايزين نشكرك عليها و كمان نتمتع بيها، و زي ما أماكن سجودنا و بيوتنا و هدومنا و كل حاجة عملنا فيها خير في الدنيا هتشهدلنا عندك يوم القيامة، احنا عايزين كمان أرض مصر كلها تشهدلنا عندك يوم القيامة إن احنا عملنا بيها و فيها خير،

بسم الله الرحمن الرحيم، يا رب افتح علينا و ما تسيبناش، و نورلنا الطريق اللي يرضيك عننا،

و يا مصر، انتي امتحان ربنا لينا و نعمته علينا، و احنا جاهزين،

يا مصر قومي و شدي الحيل، كل اللي تتمنيه عندي، لا القهر يطويني و لا الليل، آمان آمان بيرم أفندي، رافعين جباه حرة شريفة، باسطين أيادي تؤدي الفرض، ناقصين مؤذن و خليفة، و نور ما بين السما و الأرض، يا مصر عودي زي زمان، ندهة من الجامعة و حلوان، يا مصر عودي زي زمان، تعصي العدوين و تعاندي، آمان آمان بيرم أفندي، الدم يجري بماء النيل، و النيل بيفتح على سجني، و السجن يطرح غلة و تيل، نجوع و نتعرى و نبني، يا مصر لسّة عددنا كتير، لا تجزعي من بأس الغير، يا مصر ملو قلوبنا الخير، و حلمنا ورد مندّي، آمان آمان آمان آمان آمان آمان بيرم أفندي يا مصر، يسعد صباحك يا جنينة، يسعد صباح اللي رواكي، يا خضرة من زرع ايدينا، شربت من بحر هواكي، شربت من كاس محبوبي، و عشقت نيل أسمر نوبي، و غسلت فيه بدني و توبي، و كتبت اسمه على زندي، آمان آمان بيرم أفندي يا مصر،

يا مصر قومي و شدّي الحيل، كلّ اللي تتمنيه عندي،

لا القهر يطويني و لا الليل، آمان آمان بيرم أفندي

للتحميل

سامح حجاج

28/10/2008

أغاني مستني

نشرت فيExperiences خبرات, Insights رؤى, Life; a Different Angle, أغاني مسّتني Tagged: لنبلوهم أيهم أحسن عملا, مؤذن, محبوبي, مصر, نوبي, نجيب شهاب الدين, ورد, وطن, يا مصر قومي, أمي, أغاني مستني, إني جاعل في الأرض خليفة, الفرح, الفرض, المستقبل, النيل, الأم, الأهل, الأب, الأرض, الأصحاب, الأصدقاء, البناء, الجنة, الخلافة, الخير, السما, السعادة, الشكر, الشيخ إمام عيسى, امتحان, انتماء, ابتلاء, توحيد, حب, خليفة, زينة الله, شكر النعم, شدي الحيل, شرك ]]> http://egovision.wordpress.com/2008/10/31/ya-masr-2oumy/feed/ 27 Vi§ion http://egovision.wordpress.com/2008/06/29/elba7r-beyed7ak-leeh/ http://egovision.wordpress.com/2008/06/29/elba7r-beyed7ak-leeh/#comments Sun, 29 Jun 2008 12:49:39 +0000 Vi§ion http://egovision.wordpress.com/?p=135 ]]>

البحر بيضحك ليه…..و انا نازلة أتدلع أملى القلل؟!

البحر غضبان ما بيضحكش

أصل الحكاية ما تضحكش

البحر جرحه ما بيدبلش

و جرحنا و لا عمره….دبل

البحر بيضحك ليه…..و انا نازلة أتدلع أملى القلل؟!

مساكين بنضحك مالبلوة

زي الديوك و الروح حلوة

سارقاها مالسكين حموة

و لسة جوة القلب….أمل

البحر بيضحك ليه…..و انا نازلة أتدلع أملى القلل؟!

قللنا فخارها قناوي

بتقول حكاوي و غناوي

يا قلة الذل انا ناوي

ما اشرب و لو في المية….عسل

البحر بيضحك ليه…..و انا نازلة أتدلع أملى القلل؟!

ياما ملينا و ملينا

لغيرنا و عطشنا ساقينا

صابرين و بحر ما يروينا

شايلين بدال العلة….علل

البحر بيضحك ليه…..و انا نازلة أتدلع أملى القلل؟!

في بالي ياما و على بالي

اللي بيعشق ما يبالي

ما يهمنيش من عزّالي

يا حلوة….لو مرسالي….وصل

البحر بيضحك ليه…..و انا نازلة أتدلع أملى القلل؟!

بيني و بينك سور ورا سور

و انا لا مارد و لا عصفور

في ايدي عود قوَّال و جسور

و صبحت انا….في العشق….مثل

و البحر بيضحك ليه ليه ليه…..و انا نازلة أتدلع أملى القلل؟؟!!

البحر بيضحك ليه (للتنزيل)

كلمات: نجيب سرور

ألحان و غناء: الشيخ إمام عيسى

مش عارف أقول ايه و لا ايه، بحس إن فيه أغاني بتمسّني، و عبرت عن دة في أغاني كتير فاتت، أغنية بتمسّني في حاجة، في إحساس، في موقف، في لحظة، بس الأغنية دي مش بتمسّني و بس، دي هي أنا بشحمي و لحمي و طولي و عرضي و عمقي، و حسرتي، و شجني، هي أنا في صورة أغنية، هي إحساسي، تقريبا كل إحساسي!!!!! كل سطر فيها، كل حرف، كل رنة في اللحن، كل تنهيدة و كسرة في صوت الشيخ إمام، كل لقطة قوة، و كل لقطة ضعف، كل فكرة، و كل رمز، و كل قرار، كل بساطة اللحن و الكلمات، و كل عمقهم و تعقيدهم……..

كتير كنت بكتب عن نفسي من خلال الأغاني اللي مسّتني، المرة دي خايف، و مكسوف، لأن الأغنية دي فاضحاني على الآخر!!!!

معقولة! من عقود و سنين واحد حس كل الأحاسيس دي و عبر عنها بالجمال و العمق دة و آجي أنا بعد السنين دي كلها و أحس نفسي نسخة من الكلام دة؟! مع الفرق طبعا إن راجل عظيم زي نجيب سرور كتب الكلام دة عن مصر، بس أنا حاسسه عن نفسي بصورة شخصية أكتر،

أنا فعلا حاسس إني كدة، كتير بهزر و بضحك، بس من جوايا غضبان و غضبي بيغلي و بيحرقني و بيطرطش حمم عليا و ساعات على اللي حواليا، فعلا بضحك من البلوة، على حالي الشخصي و على حالنا كشعب تايه، ايه الضياع و الذل و قلة القيمة اللي احنا فيه دة!!!! ماحدش فاهم حاجة، و كله يا إما راكن على جنب و مش عارف يروح فين يا إما ماشي في الشمس بلا هدف و هيموت من العرق و بيسأل و بيحسس أو بيطبش على الطريق، و مع ذلك في وسط الزحمة و التوهان و الحر دة، فيه ناس واقفة بتملى قلل المية لغيرها عشان يستحملوا الطريق في الجو دة، بحس إني بيتطلب مني كدة، أو يمكن أنا اللي بحب أعمل كدة، بملى لغيري مية و احاول أرويله عطشه، أو شوية من عطشه، و أحاول أدلّه، مع إني يمكن أكتر واحد تايه، و عطشان، و تعبان، و معلول، و مجروح من جوايا، و جرحي عمره ما بيدبل، بس رغم كدة، ما بتأخرش عن حد برضه، و عمال أملى لغيري على قد ما بقدر، و على قد ما بفهم، و مستحمل و صابر،

و بالرغم إني ابتديت أتضايق جدا إن سكوتي و سوء طبعي بيخلوا قليلين قوي ياخدوا بالهم إن أنا كمان عطشان و عايز اللي يملالي، و يحاولو يملولي انا مية، و بالرغم إن دة ابتدا يفوق طاقتي، و بالرغم إن بحر ما يرويني، بس صابر برضه،

و برغم إني شايف قلة الذل متلقحة قصادي و بتتحايل عليا أشرب منها، بس برضه ناوي إن عمري ما هقربلها، حتى لو فيها عسل، و حتى لو هموت عطشان، يا اشرب مية نضيفة و كريمة و طاهرة يا اموت بعطشي و انا راضي.

بيني و بينك سور ورا سور……يا ترى أنا كدة بخاف من الحب و التعبير عن الحب؟ و لا بيني و بينه سور ورا سور؟

حاسس إن دايما فيه أسوار بيني و بين الحب، أسوار أنا اللي حاططها، بس ما بخافش من التعبير عنه لما تزول أسباب الأسوار دي، زي ما انا قررت ما اتكسفش و أعبر عن مشاعري دلوقت، لأني مش شايف المشاعر الحقيقية حاجة تخزي، بس إلى أن تزول أو تتغير أسباب أسواري دي، أنا ما احبش أنط من على السور و لا أكسره، لأن دة جزء من الذل اللي مش ناوي أخليه يرويني، الحب الغير مسئول؛

في مرحلة فاتت تصورت إني ممكن ألاقي البنت اللي في خيالي أو صورة قريبة منها و أحبها و أتجوزها! لقيت بنت قريبة جدا من الصورة، تقريبا هي، حسيت إني هلاقي باب السور و أعدي، ما اعرفش يا ترى دة كان إعجاب و لا كان حب، بس انا حاولت أحبها و ما عرفتش أحبها زي ما تصورت مع إني كان نفسي بجد أحبها و ارتبط بيها، حسيت إنها على موجة تانية غيري و ما عرفناش نلقط بعض، دة غير إني حسيتها بعيدة عني و أعلى مني و أحسن مني، و رقيقة على إنها تستحملني!!!!! حاجة كدة زي الجميلة و الوحش، بس غير القصة، أنا حسيت إني مش هطولها و ما تحقش ليا!!!!

يظهر الحب ما لهوش قاعدة، مش عارف أبرمجه زي ما نفسي أبرمج كل حياتي!!!! يمكن دة اللي قتل الحب؟؟!! هه، مجنون أنا!!!! أو يمكن الصورة اللي بقيس عليها كانت أصلا غلط؟! أو يمكن لسة فعلا مش جاهز لفكرة الارتباط؟ أو يمكن فكرت في واحدة ما تناسبنيش؟…….مش عارف…..بس اللي متأكد منه إن كوني متلخبط كدة و مش عارف كدة و مش واثق في مشاعري بالشكل دة، بالإضافة لظروف تانية و اعتبارات شخصية، كل دة معناه بالنسبة لي إني لسة مش جاهز للحب المسئول اللي في بالي، و إني كنت هأذيها جدا لو نطيت من على الأسوار دي ساعتها و انا مش فاهم مشاعري و نفسي، هي دي أسواري اللي حاططها لنفسي و اللي بتخليني أمنع نفسي أحب أو أبتدي أحب و أخبي دة، لأن الحب الغير مسئول دة قلة من ضمن قلل الذل اللي مش عايز أشرب من عسلها، إني أحب حب مولود معاه أسباب فشله، و أجرح، و أتجرح، و كتير بحس بالعجز و إني لسة مش قد القصة دي، ، عشان كدة أنا لسة حاسس إني مش عارف أشوف باب في السور، و لا عارف ابقى المارد اللي يكسر السور، و لا العصفور اللي يطير من فوقه، أو يمكن مش عايز……أو خايف……أو مستخبي ورا السور لحد أما أشوفلي حل…..

بس أنا زي الديك اللي رجليه لسة بتجري و هو مدبوح، الروح حلوة، و لسة جوة القلب أمل…….و لسة بحاول…..إني أغلب خوفي و ألاقي باب في السور و أخرج…….إن كان في الحب و لا في الحياة……أو أوصل لنقطة إني أحس إني خلاص لقيت الحل و عرفت سكتي و قادر أشيل و ما عدتش محتاج السور و ابقى المارد اللي يهدّه…..أو عصفور و أطير من فوقه!!!!!

مفيش غير إني أقول يا رب، يا مولاي، و أشد الرحال للطريق، و أرفع سيفي في وش نفسي و في وش الدنيا، لأن لسة المشوار طويل….

و اديني مسيري هشوف آخرة المشوار دة ايه…..بس دة ما يمنعش إن طول ما انا في السكة الأغنية لسة بترن في وجداني كله، يا ترى البحر بيضحك ليه و انا نازلة اتدلع املى القلل؟؟؟

البحر غضبان ما بيضحكش، أصل الحكاية ما تضحكش، البحر جرحه ما بيدبلش، و جرحنا و لا عمره دبل، مساكين بنضحك مالبلوة، زي الديوك و الروح حلوة، سارقاها مالسكين حموة، و لسة جوة القلب أمل، قللنا فخارها قناوي، بتقول حكاوي و غناوي، يا قلة الذل أنا ناوي ما اشرب و لو في المية عسل، ياما ملينا و ملينا، لغيرنا و عطشنا ساقينا، صابرين و بحر ما يروينا، شايلين بدال العلة علل، في بالي ياما و على بالي، اللي بيعشق ما يبالي، ما يهمنيش من عزالي، يا حلوة، لو مرسالي وصل، بيني و بينك سور ورا سور، و انا لا مارد و لا عصفور، في ايدي عود قوَّال و جسور، و صبحت انا في العشق……..مثل

و البحر بيضحك ليه….و انا نازلة اتدلع أملى القلل؟؟!!!!!

سامح حجاج

28/6/2008

مين اللي قال….مكتوب علينا الهوان؟؟؟

لا الدنيا سيرك…و لا الزمان بهلوان!!!!!

من تتر مسلسل أميرة في عابدين

من سنين الرسول عليه الصلاة و السلام قال: “الحكمة ضالة المؤمن، أنى وجدها فهو أحق الناس بها“؛

الحكمة في قيمتها عاملة زي اللؤلؤة، غالية قوي،

بس في وجودها عاملة زي الشهاب، صعب أوي تشوفه،

و كمان لازم تبقى عينك مفتحة على السما كلها لأنه ممكن يبان في أي حتة،

فجأة هيروح شهاب الحكمة دة معدي قصادك في لحظة، و في اللحظة التانية هيختفي،

و يا تقدر تشوفه و تلحق تلقطه و تفهم الحكمة دي،

يا إما خلاص،اختفى،

استنى بقى الشهاب اللي بعده، وانتا و حظك

سامح حجاج

أنا مش بعيد يا حبيبتي عنك

دة اللي بيننا خطوتين

و رغم شوقي و قربي منك

صعب تيجي العين في العين

يمكن قدامي و مش طايلك

بس انا في القلب أكيد شايلك

مهما اتعب و طريقي حيصعب

جايلك في معادي

جايلك في معادي

جايلك في معادي أنا جايلك

يمكن قدامي و مش طايلك

آآآآآآه

آآآآآآه

آآآآآآه

آآآآآآه

أيوة شايفك و انتي لأ

بس بكرة حتشوفيني

و تعرفي ان انا ليا حق

و أكيد ساعتها هتعذريني

يمكن قدامي و مش طايلك

بس انا في القلب أكيد شايلك

مهما اتعب و طريقي حيصعب

جايلك في معادي

جايلك في معادي

جايلك في معادي أنا جايلك

يمكن قدامي و مش طايلك

مش طايلك

آآآآآه

آآآآآه

آآآآآه

آآآآآه

أنا مش سايبك دة انا علشانك

بتغرب و اتحدى الدنيا

خلليكي يا حبيبتي مكانك

جاي آخدك للدنيا التانية

يمكن قدامي و مش طايلك

بس انا في القلب أكيد شايلك

مهما اتعب و طريقي هيصعب

جايلك في معادي

جايلك في معادي أنا جايلك

يمكن قدامي و مش طايلك

مش طايلك

مش طايلك

أنا مش بعيد

آآآآآه

آآآآآه

آآآآآآه

آآآآآه

أنا مش بعيد

غناء: مدحت صالح

كلمات: بهاء الدين محمد

من فيلم: حرب ايطاليا

لما أقعد أفكر مع نفسي، بلاقي إن الحب سهل، و سهل أسيب نفسي أحب، و أعيش قصة جميلة، بالذات إن الكلام دايما سهل، بس الفعل و تحمل المسئولية هو اللي دايما صعب أوي

يعني يا ترى الواحد يحب و لا يفكر؟ يعني أسيب نفسي احب و انا لسة مش حاسس ولا شايف إني جاهز للجواز، إن كان ماديا أو نفسيا؟

أنا حاسس المشكلة دي أوي، من فترة حسيت بقلبي اتحرك باتجاه بنت معينة، و رغم إن دة حصل معايا مرتين قبل كدة، بس المرة دي حسيت إن هي دي اللي أحب أكمل معاها حياتي، و أحب أشوف منها أولادي، و نفسي أتجوزها،

بس زي كل مرة، فيه مليون حاجة مانعاني إني أتحرك ناحيتها أو حتى أصرح لها، لسة حاسس إني مش واثق في احساسي تجاهها، و في إنها فعلا هي، و شوية أقول لنفسي آه، و شوية أقول لنفسي لأ، و دة يخليني أقول لنفسي حرام تظلم البنت معاك و انتا مش متأكد من نفسك، دة غير المشكلة الأساسية، بقول لنفسي حرام أصلا أتقرب لها لأني عارف إني لو اتقربتلها هحبها جدا و هظلم نفسي و هظلمها معايا عشان مش هقدر اتجوزها دلوقت،

لازم أصبر، و أعافر عشان أبقى جاهز للجواز، و مش قادر غير إني أقول في سري، أنا مش بعيد يا حبيبتي عنك، دة اللي بيننا خطوتين، و رغم شوقي و قربي منك، صعب تيجي العين في العين، يمكن قدامي و مش طايلك، بس أنا في القلب أكيد شايلك، مهما اتعب و طريقى حيصعب، جايلك في ميعادي أنا جايلك، آآآآآآآآه، أيوة شايفك و انتي لأ، بس بكرة حتشوفيني، و تعرفي إن أنا ليا حق، و أكيد ساعتها هتعذريني، يمكن قدامي و مش طايلك، بس أنا في القلب أكيد شايلك، مهما اتعب و طريقى حيصعب، جايلك في ميعادي أنا جايلك، آآآآآه، أنا مش سايبك دة انا على شانك، بتغرب و اتحدى الدنيا، خلليكي يا حبيبتي مكانك، جاي آخدك للدنيا التانية، يمكن قدامي و مش طايلك، بس أنا في القلب أكيد شايلك، مهما اتعب و طريقى حيصعب، جايلك في معادي أنا جايلك، آآآآآآآآآآآآآه

يا رب لو فيها الخير، افتح بيننا بخير، و لو مش هي، احفظنا من الفتنة

يا ترى حد حاسس زيي؟

Look, if you had one shot, or one opportunity

بص، لو كان عندك…..ضربة واحدة….أو فرصة واحدة

To seize everything you ever wanted-One moment

عشان تمسك كل اللي طول عمرك عايزه، لحظة واحدة

Would you capture it or just let it slip?

هتمسكها، و لا هتسيبها تفلت؟

Yo

يا عم

His palms are sweaty, knees weak, arms are heavy

ايديه عرقانه، ركبه سايبة، دراعاته تقيله

There’s vomit on his sweater already, mom’s spaghetti

فيه ترجيع على الجاكيت بتاعه خلاص، مكرونة ماما

He’s nervous, but on the surface he looks calm and ready

هو متوتر، بس على السطح شكله هادي و مستعد

To drop bombs, but he keeps on forgettin

إنه يرمي قنابل، بس عمال ينسى

What he wrote down, the whole crowd goes so loud

اللي كتبه، الجمهور كله ابتدا يزعق قوي

He opens his mouth, but the words won’t come out

يفتح بقه، بس الكلمات مش راضية تطلع

He’s chokin, how everybody’s jokin now

هو بيتخنق، ازاي كل الناس بتنكت دلوقت

The clock’s run out, time’s up over, bloah!

الساعة جريت، وقتك انتهى، خلاص، بح

Snap back to reality, Oh there goes gravity

اترزع تاني في الواقع، ياه، آدي الجاذبية

Oh, there goes Rabbit, he choked

ياه، آدي أرنب (اسم الشهرة بتاعه)، اتخنق

He’s so mad, but he won’t give up that

هيتجنن من الغضب، بس مش هيستسلم

Easy, no

بالسهولة دي، لأ

He won’t have it, he knows his whole back’s to these ropes

مش هيقبلها، هو عارف إن ضهره بحاله متعلق في الحبال دي (الأمل)

It don’t matter, he’s dope

مش فارقة، هو غبي

He knows that, but he’s broke

هو عارف دة، بس هو مفلس

He’s so stagnant that he knows

هو راكد لدرجة إنه عارف

When he goes back to his mobile home, that’s when it’s

إنه لما يرجع لبيته الزبالة، هي دي اللحظة اللي

Back to the lab again yo

بيرجع فيها للمعمل تاني يا عم

This whole rap city

مدينة الراب دي بحالها

He better go capture this moment and hope it don’t pass him

أحسن له يروح يمسك اللحظة دي و يتمنى ما تعديهوش

You better lose yourself in the music, the moment

أحسن لك تفقد نفسك في الموسيقى، لحظة

You own it, you better never let it go

ما تملكها، أحسن لك عمرك ما تسيبها تهرب

You only get one shot, do not miss your chance to blow

انتا بتجيلك ضربة واحدة، ما تفوتش فرصتك في الانفجار

Because the opportunity comes once in a lifetime yo

لأن الفرصة بتيجي مرة في العمر يا عم

The soul’s escaping, through this hole that it’s gaping

الروح بتهرب، من الخرم اللي بيوسع

This world is mine for the taking

الدينا دي ليا عشان آخدها

Make me king, as we move toward a, new world order

اعملني ملك، و احنا رايحين باتجاه، نظام جديد للعالم

A normal life is borin, but superstardom’s close to post mortem

حياة عادية شيء ممل، بس النجومية أقرب للي شبع موت

It only grows harder, only grows hotter

هي بس كل مادا بتصعب، كل مادا بتسخن

He blows us all over these hoes is all on him

هو مجننا كلنا، كل الناس دي محوطاه

Coast to coast shows, he’s known as the globetrotter

حفلات من الشط للشط، معروف بإنه رحالة الأرض

Lonely roads, God only knows

طرق فيها وحدة، ربنا بس اللي عارف

He’s grown farther from home, he’s no father

بقى أبعد عن البيت، بقى مش أب

He goes home and barely knows his own daughter

يروح البيت و بالعافية يتعرف على بنته

But hold your nose cuz here goes the cold water

بس امسك مناخيرك عشان المياة الساقعة جاية

His hoes don’t want him no mo, he’s cold product

ناسه مش عايزينه خلاص، بقى موضة قديمة

They moved on to the next schmoe who flows

اتنقلوا للأهطل اللي بعده اللي بيعرف يرطن

He nose dove and sold nada

……و بيبيع ولا حاجة

So the soap opera is told and unfolds

فالمسلسل الطويل يتحكي و يتكشف

I suppose it’s old partna’, but the beat goes on

متهيألي المسلسل قديم يا شقيق، بس الريتم شغال

Da da dum da dum da da

دادا دم دادم دادا

You better lose yourself in the music, the moment

أحسن لك تفقد نفسك في الموسيقى، لحظة

You own it, you better never let it go

ما تملكها، أحسن لك عمرك ما تسيبها تهرب

You only get one shot, do not miss your chance to blow

انتا بتجيلك ضربة واحدة، ما تفوتش فرصتك في الانفجار

Because the opportunity comes once in a lifetime yo

لأن الفرصة بتيجي مرة في العمر يا عم

No more games, I’ma change what you call rage

ما عادش فيه لعب، أنا هغيرلك مفهومك عن الغضب العارم

Tear this mothafuckin roof off like 2 dogs caged

قطّع السقف الملعون دة زي كلبين محبوسين في قفص

I was playin in the beginnin, the mood all changed

أنا كنت آخدها لعب في الأول، المزاج كله اتغير

I been chewed up and spit out and booed off stage

أنا اتمضغت و اتتفيت و اتطردت بقرف من على الخشبة

But I kept rhymin and stepwritin the next cypher

بس أنا فضلت ألحن و اكتب اللغز اللي بعده

Best believe somebody’s payin the pied piper

أحسن لي أصدق إن حد هيدفع للزعيم الفشنك (للمزيكاتي)

All the pain inside amplified by the fact

كل الألم اللي جوة متكبر بحقيقة إني

That I can’t get by with my 9 to 5

مش عارف أكمل بشغلي الروتيني (من 9-5)

And I can’t provide the right type of life for my family

و مش قادر أوفر النوع الصح من الحياة لأسرتي

Cuz man, these goddam food stamps don’t buy diapers

لأن يا عم، بونات الأكل الملعونة دي ما بتشتريش كوافيل

And it’s no movie, there’s no Mekhi Phifer, this is my life

و دة مش فيلم، مفيش ميكاي فايفر (اسم ممثل)، هي دي حياتي

And these times are so hard and it’s getting even harder

و الأوقات دي صعبة أوي، و عمالة كمان تصعب

Tryin to feed and water my seed, plus

و انا بحاول أأكل و أروي بذرتي، زائد

Teeter totter caught up between being a father and a prima donna

كوني مرجيحة غصب عني ما بين كوني أب و نجم

Baby mama drama’s screamin on and

مأساة أم العيل (أمه) عمالة بتصوّت و

Too much for me to wanna

كتير عليا إني أستحمل

Stay in one spot, another day of monotony

أفضل في مكان واحد، يوم كمان من الرتابة

Has gotten me to the point, I’m like a snail

وصلني لدرجة، إني زي القوقعة

I’ve got to formulate a plot or I end up in jail or shot

أنا لازم أكون خطة قبل ما انتهي في السجن أو مضروب بالنار

Success is my only mothafuckin option, failure’s not

النجاح هو اختياري اللعين الوحيد، الفشل لأ

Mom, I love you, but this trailer’s got to go

ماما، أنا بحبك، بس البيت المعفن دة لازم يختفي

I cannot grow old in Salem’s lot

أنا ما ينفعش أعجز في الخرابة دي

So here I go with my shot

فدلوقت أنا هشوط شوطتي،

Feet fail me not this may be the only opportunity that I got

يا رجليا ما تخونينيش دي ممكن تكون فرصتي الوحيدة

You better lose yourself in the music, the moment

أحسن لك تفقد نفسك في الموسيقى، لحظة

You own it, you better never let it go

ما تملكها، أحسن لك عمرك ما تسيبها تهرب

You only get one shot, do not miss your chance to blow

انتا بتجيلك ضربة واحدة، ما تفوتش فرصتك في الانفجار

Because the opportunity comes once in a lifetime yo

لأن الفرصة بتيجي مرة في العمر

You can do anything you set your mind to, man

انتا تقدر تعمل أي حاجة تحطها في دماغك يا عم

Eminem, Lose yourself

Lyrics taken from here with slight modification

Translated from slang American English to slang Egyptian Arabic by Sameh Haggag

إمينيم، افقد نفسك

كلمات الأغنية أخذت من هنا بتعديل بسيط

ترجمها من الإنجليزية العامية الأمريكية إلى العربية العامية المصرية سامح حجاج

Technorati tags: Eminem, Lose yourself, Rap, Success, Failure, Superstardom, Family, Father, Mother, Chance, النجاح, الفشل, راب, النجومية, الأسرة, أب, أم, الفرصة, افقد نفسك, إمينيم

ملخص المباراة

أهداف المباراة فقط

على فكرة، أنا فهمت ليه شركات الحاجة الساقعة بتدفع ملايين في الإعلانات، لما حطيت الفيديو الأخير دة اكتشفتها واضحة قوي، هما بيدفعوا عشان يظهروا في لحظات معينة و يرتبط اسم منتجهم في دماغنا باللحظات الحلوة دي فمن غير ما نحس نحب اللي بيعملوه و نميل لإننا نشتريه، بس انا آخد بالي، برضه مبحبهاش!!! هاهاهاهاه

الماتش كان تكتيكيا عالي جدا و كان باين لعب المدربين في فتح مساحات و خلق فرص و تغيير طريقة اللعب كذا مرة حسب ظروف الماتش و رغم دة كله اللعب كان مفتوح و حلو، و خط النص مكانش فيه ضغط من الفريقين، بس بالذات الزمالك مكانش بيضغط أوي، الأهلي كان برضه بيضغط في النص أكتر،

الأهلي كان عاجبني إنه عامل زي الطوفان، هجوم كاسح مستمر و متنوع بينحت نهر في دفاع الزمالك، و كذا مرة يخترق بس يضيع،

عجبني أوي في الزمالك طريقة لدغة العقرب! اهاهههاه، هي هجمة، لدغة، جون، بجد كان في منتهى الفاعلية في هجماته القليلة، عجبني أوي دخلة عمرو زكي العفية اللي أكل بيها شادي و عماد و أمير و جاب جون جميل، بجد الشاب دة لعبه رجولي و في نفس الوقت جميل!!! و إن كان الحظ خدمه في إن التلاتة اتكلوا على بعض و أمير طلع في ميعاد غلط خالص، يا كان يطلع من الأول خالص و يمسك الكورة يا كان يفضل في جونه و يسيب المدافعين يتصرفوا

جون الأهلي الأول كان يشبه كتير جون الزمالك الأول، برضه شوطة من حارس المرمى، بس هنا فلافيو ظبطها براسه جميلة لعماد متعب، خلاه منفرد، بس متعب عملها حلو أوي، لو تاخدو بالكو لا حطها يمين و لا شمال، ضحك على عبد المنصف و حطها فوق راسه بس قوية أوي، كانت مفاجأة، عشان كدة أنا شايف إن جون الأهلي الأولاني أحسن من جون الزمالك الأولاني

كتير كنت بسمع عن شيكابالا، شفته مرة وحيدة قبل كدة في الكورة اللي مشي فيها بالعرض في الماتش اللي فات و ضحك على كل مدافعي الأهلي و بعد كدة عرضها جميلة لجمال حمزة اللي جاب جون جميل، بصراحة أول مرة أشوفه بيلعب أثناء الماتش، لأ بجد لعيب حريف و راسي أوي، و هيبقى ليه مستقبل كبير، تقريبا في تاني لمسة ليه في الماتش عمل نفس الحركة و رقص بالعرض و شاط شوطة حلوة قوي على شمال أمير دخلت جون جميل، بس بصراحة في الإعادة حسيت إن أمير كان رد فعله بطئ سنة و حاول يمسكها بيمينه مش بشماله، متهيألي كان ممكن الحضري يجيبها، بس عامة، الشوطة كانت حلوة جدا و فيها مهارة

أسامة حسني شلني بالكورة اللي ضيعها من على الستة ياردة، و قلت هو دة أسامة اللي أنا أعرفه، بيضيع كتير كور سهلة المفروض ما تضيعش، و قلت في سري أبو تريكة ما كانش يضيع واحدة زي دي، بس برضه ضيع واحدة زيها!!!

عجبني جدا نضج جماهير الأهلي إنها ما قعدتش تشتم الأهلي و اللعيبة و المدرب كعادة جماهير مصر، بالعكس، قعدت تشجع ناديها للآخر، و عشان كدة شفنا آخر تلت ساعة في الشوط التاني في منتهى القوة و الجمال و الإبداع من الأهلي، طوفان هجوم كاسح، و كان كتير بيوصل لجوة التمنتاشر بسهولة، بس كان فيه عدم تركيز أو توتر من المهاجمين و فضلوا يضيعوا، لحد الكورة الجميلة اللي كلهم كانوا هاديين و مركزين فيها، وقف شوقي على الكورة و بص بهدوء و اداها لأبو تريكة ، و أبو تريكة بنتهى الثبات و الجدية يحطها و يجيب التعادل، بجد جون جميل كان مبين مدة توغل الأهلي في دفاع الزمالك، لأن تقريبا نص الأهلي كان على حدود الستة ياردة

شديد قناوي بيصعب عليا و الله، هو لعبه حلو و بيلعب بجدية، بس حجمه عاملله مشكلة جامدة جدا، و بيخليه يخاف شوية، عشان كدة ما حسيتش إنه عرف يرفع رفعة كويسة مستريحة طول الماتش، عكس أحمد صديق اللي عنده القوة و الجرأة إنه يدخل و يرقص و يعدي و يرفع

جون الزمالك التالت عجبني فيه شيكابالا جدا، بيلعب بحرفنة، و في نفس الوقت بهدوء أعصاب و ثقة عالية جدا، خلته يقف على الكورة و يبص بهدوء و يشوف جمال حمزة فاضي خالص على حرف التمنتاشر في خطأ فادح آخر لدفاع الأهلي، فلعبهاله حلوة قوي و مستريحة و جمال شاطها حلوة، بس بصراحة الحظ خدمه برضه لأن الكورة خبطت في المدافع و غيرت اتجاهها، و بعد ما كانت رايحة في ايد أمير بقت رايحة في المقص تقريبا بتحك في العارضة!!! و دي كانت اللدغة التالتة

و كل دة و لسة جماهير الأهلي بتشجع، و لسة الطوفان الأحمر شغال، و فرق اللياقة ابتدا يبان، عمرو زكي جاله شد عضلي و لعيبة الزمالك ما بقوش يجروا أوي، و جت المفاجأة الرهيبة، أبو تريكة اللي لدغ المرة دي، حتة رفعة، بجد تحفة، و فيها لفة غريبة، بحيث تعدي المدافع و تلف من يمينه لشماله لراس أسامة حسني اللي أصلا كان واقف ورا المدافع عشان ما يبقاش أوفسايد!!!! و الأعجب إن أسامة جاب الكورة جون!!!! رغم إنها أصعب بكتير من الجون اللي ضيعه من على الستة ياردة!!! لعيب غريب و مش مستقر في رأيي، بس أنا شايف إن أبو تريكة اللي جاب الجون دة برفعته التحفة دي مش أسامة

و مفيش دقيقة عدت أبو تريكة يلعب لعبة جميلة لأحمد صديق على الجنب لوحده خالص، و على فكرة، فيه هنا غلطة رهيبة لمدافع زملكاوي مش عارف اسمه، كل زمايله كانوا قدامه بحوالي ياردتين عشان يوقعوا صديق في الأوفسايد، بس هو يظهر ما أخدش باله أو سرح، فخلى صديق مش أوفسايد و واقف لوحده خالص، و وقف مستريح أوي و رفعها جميلة لأسامة حسني اللي فاجئني للمرة التانية و جاب جون و خلص الماتش اللي هيبقى تاريخي بالنسبة له و بالنسبة لكل المصريين

بجد ماتش بديع في المهارات اللي شفناها، في الندية، في القوة، في الإبداع، في المفاجآت، في التشويق، في التكتيكات الفنية، في الأخلاق الرياضية، في الكفاح، في التشجيع الجماهيري الجميل، في سبع أهداف جميلة ، في كل حاجة

و ألف مبروك للأهلي بطولة كأس مصر، و ألف مبروك للزمالك على الأداء الجميل دة، و مليون مبروك لجماهير مصر اللي بقى فيها كورة جميلة بالشكل دة، حتى لو في ماتش واحد

Technorati Tags: , عمرو زكي, , شيكابالا, أسامة حسني, أبو تريكة, نهائي الكأس 2007, كأس مصر, الزمالك, الأهلي,

إني ببابك

قد بسطت يدي

من لي ألوذ به

إلاك يا سندي

مولاي….يا مولاي

مولايا

إني ببابك

قد بسطت يدي

من لي ألوذ به

إلاك يا سندي

مولاي….يا مولاي

مولايا، إني ببابك

مولايا، إني ببابك

مولايا، إني ببابك

مولايا، إني ببابك

مولايا، إني ببابك

أقوم بالليل

و الأسحار ساجية

أدعو و همس دعائي

أدعو و همس دعائي

بالدموع ندي

بنور وجهك إني عائذ وجل

و من يعذ بك لن يشقى إلى الأبد

مهما لقيت من الدنيا

و عارضها

فأنت لي شغلٌ عما يرى جسدي

تحلو مرارة عيش في رضاك

تحلو مرارة عيش في رضاك

تحلو مرارة عيش في رضاك

و ما أطيق سخطاً على عيش من الرغد

من لي سواك

و من سواك

و من سواك

و من سواك

و من سواك

يرى قلبي و يسمعه

كل الخلائق ظلٌ في يد الصمد

أدعوك يا رب

أدعوك يا ربي

أدعوك يا رب

أدعوك يا ربي

فاغفر زلتي كرماً

و اجعل شفيع دعائي حسن معتقدي

و انظر لحالي

و انظر لحالي

و انظر لحالي في خوفٍ و في طمعٍ

هل يرحم العبد بعد الله من أحد

مولايا، إني ببابك

قد بسطت يدي

من لي ألوذ به

إلاك يا سندي

مولاي

مولاااااااااااااي

مولاااااااااااااااااي

مولاي، ابتهال الشيخ سيد النقشبندي رحمه الله

صحيح الواحد ساعات بينسى، أستغفر الله العظيم، الواحد ليه مين غير الله، مولاه، اللي فعلا ما لوش غيره، مولاي، إني ببابك مولاي، قد بسطت يدي، من لي ألوذ به، إلاك يا سندي

Technorati tags: النقشبندي, ابتهال, الله, الملاذ, السند, مولاي

في وسط ليل مفيهوش قمر

و قلب تايه

احساس بغربة من البشر

مشوار طويل

في وسط ليل مفيهوش قمر

و قلب تايه

احساس بغربة من البشر

و أنا وحدي بمشي في سكتي

موجود بعافر بنتصر

أقع عزيمتي بتنكسر

أقف و اكمل خطوتي

ألاقي هدفي في قصتي

شايف في آخر الضلمة نور

لو حاشني سور أهده هد

احساس بجد

بإني هوصل من غير ما قلبي يساعده حد

مشوار طويل

مشوار طويل

مشوار طويل

مشوار طويل

مشوار طويل

مشوار طويل

أغنية مشوار طويل-واما

من فيلم تيتو-أحمد السقا

دايما لوحدي، دايما مع نفسي، حتى لما بقرب لغيري، ما بحسش إن حد فهمني، زي ما اكون مجنون، أو تحفة أثرية أو من عالم تاني، زي ما يكون الدنيا دي عاملة زي وادي كل الناس قاعدين فيه، إلا أنا، زي ما أكون واحد غريب جاي من بلد تانية، أو كائن فضائي، و رحت واقف على تبة على جنب كدة لوحدي، حاسس إني شايف منظر تاني ما حدش شايفه غيري، شايف تفاصيل ماحدش آخد باله منها إلا أنا، حاسس إني شايف صورة مختلفة، صورة أجمل و أكبر و أعم، إحساس حلو طبعا، حتى لو كان غلط، بس الإحساس اللي معاه، و اللي بيضايقني أوي إني حاسس إني واقف في الزاوية دي لوحدي خالص، آه حاسس إني شايف سكك كتير، و شايف سكك مقفولة، شايف الصح فين، شايف الغلط فين، شايف كتير من الحقايق، لأني آخد زاوية مختلفة، حاجة حلوة طبعا، إني شايف و عارف حاجات كتير من اللي حواليا مش آخدين بالهم منها، مش شايفينها من زاويتهم، أو على الأقل أنا متصور كدة، بس المشكلة إني أنا بس اللي شايف الحاجات دي، لأني لوحدي في الركن دة، آجي أقول أو أعمل اللي انا شايفه صح، في اللي يخصني حتى، ألاقيني لوحدي، و ألاقي اللي يبصلي زي ما اكون أهبل، ما حدش فاهم أنا بعمل ايه، أو حاسس بيا، و محدش كمان يقف جنبي، حتى أقرب الناس ليا، حتى أهلي، دة أكتر من كدة، بلاقي حرب، مع إني بتكلم عن حياتي أنا، مش بتدخل في حياة غيري!!! عارف إن المشوار طويل، و إني هتعب فيه، عارف إن أنا بس اللي عارف أنا بعمل ايه و ممكن أعمل ايه في ايه، و عارف إن أنا اللي لازم أعافر، لحد ما أحقق حاجة، ساعتها اللي كان معارضني هيصدق، إن أنا كان عندي حق من الأول، بس بعد ايه، كان من الأول، و مش فكرة أنا نجحت و انتا خسرت، لأ مش كدة، الفكرة مين معايا في خنقتي من الأول للآخر، مين يشاركني همي، مين على الأقل يقوللي أنا رأيي غير رأيك، بس أنا معاك و واقف جنبك، مش لاقي، بالذات بعد ما أنا و أعز أصدقائي اتفرقنا، لا لاقي صاحب واقف جنبي و لا أهل، يمكن أبويا شوية، بس أمي لأ خالص، يا إما اعمل في حياتي أنا اللي في دماغها هي يا إما أنا فاشل !!! هاها، وصلت لحل ظريف جدا، رأيك ما عادش يهمني !!!! حل مؤلم أكتر من المشكلة!!!! بس برضه هعمل اللي أنا شايفه، و اللي أنا عايزه لأن وجع ساعة و لا كل ساعة، و أهي فترة و هتعدي بدل ما حياتي كلها تبوظ، و آجي في آخر أيامي أندم على عمري اللي ضيعته في حاجات ما تناسبنيش، أو حاجات ما بحبهاش، دة حتى لو فشلت في حاجات عايز أعملها أحسن من نجاح متوسط في حاجات كارهها!!!؛

لو حاشني سور أهده هد، إحساس بجد بإني هوصل من غير ما قلبي يساعده حد

و أرجع أقول لنفسي كويس العزم دة، كويسة القوة دي، و النية دي، بس ايه الغرور دة !!!!! ازاي يعني من غير ما حد يساعدك!!! هو انتا عارف كل حاجة !!!!؛

ابتديت أدور و ألاقي ناس تشاركني في أجزاء، و تفهم مني أجزاء، و تحس بيا في حاجات، حتى كنت ساعات أشوف نظرات الاستغراب في عينيهم إني بتكلم معاهم في حاجات عميقة و حساسة و يمكن علاقتنا مش بالقوة دي، كنت في الأول بخاف بس دلوقت و لا همني، و فعلا لقيت ناس بتشاركني في أجزاء و بتحس بنفس الحاجات، أسمع منهم حاجة ما كنتش آخد بالي منها، رأي ممكن يفيدني، أو على الأقل أستريح و أنا بحكيلهم، بس برضه فيه أجزاء و حاجات تانية لأ، أنا فيها لوحدي برضه، بس كويس، الحمد لله، كنت فين و بقيت فين، على الأقل لقيت اللي يشاركني في حتة، و يمكن يساعدني في اللي يخصها، و ألاقي حاجات مني في ناس تانية، فإحساس الوحدة دة يقل، بس عمره ما بيختفي، دايما فيها حاجات ببقى فيها لوحدي خالص، و حاجات مهمة أوي ببقى فيها وحيد تماما، حاجات شايفها، أو حاجات حاسس بيها، أو حاجات تايه فيها…..؛

و أرجع للحقيقة اللي شكلها من حقايق الدنيا اللي ما كنتش آخد بالي منها، مشوار الحياة طويل، و انا فيه لوحدي، و شكلي هكمل كدة في حاجات كتير مهمة، بدعي ربنا بس إنه يكون معايا و ما يسيبنيش حتى لو غلطت، و إنه يرزقني بناس تفهمني و تحس بيا و تسندني، و ساعتها هقدر أعمل الصح و أكمل مشواري زي ما أنا أو أحسن، مشوار طويل في وسط ليل مفيهوش قمر، و قلب تايه احساس بغربة من البشر، و انا وحدي بمشي في سكتي، موجود بعافر بنتصر، أقع عزيمتي بتنكسر، أقف و أكمل خطوتي، ألاقي هدفي في قصتي، شايف في آخر الضلمة نور، لو حاشني سور أهده هد، إحساس بجد، بإني هوصل، من غير ما قلبي يساعده حد…………مشوار طويل.

لازم أختار السكة اللي أحط عليها قطر حياتي صح، و أمشي المشوار الطويل للآخر

سامح حجاج

Technorati tags: الحياة, غربة, وحدة, مشوار طويل, واما, تيتو

دة مش وقت تغيير، اهدا بس، خد الأمور ببساطة

You’re still young, that’s your fault,

انتا لسة صغير، دة عيبك

there’s so much you have to know

فيه حاجات كتيرة أوي لازم تعرفها

Find a girl, settle down, if you want, you can marry

دور على بنت، استقر، لو عايز، ممكن تتجوز

Look at me, I am old, but I’m happy

بص عليا، أنا عجوز، بس سعيد

I was once like you are now, and I know that it’s not easy

أنا كنت زمان زيك دلوقت، و عارف إنه مش سهل

to be calm, when you’ve found something going on.

إنك تفضل هادي، بعد ما تلاقي حاجة بتحصل

Take your time, think a lot, think of everything you’ve got

خد وقتك، فكر كتير، فكر في كل الحاجات اللي معاك

For you will still be here tomorrow, but your dreams may not

لأنك هتفضل موجود هنا بكرة، بس أحلامك ممكن ما تفضلش

How can I try to explain? when I do, he turns away again

أحاول ازاي أشرح؟ لما اشرح، يدور وشه بعيد تاني

it’s always been the same, same old story

دايما هي هياها، نفس القصة القديمة

From the moment I could talk, I was ordered to listen

من لحظة ما عرفت أتكلم، اتأمرت إني أسمع

now there’s a way and I know that I have to go away

دلوقت فيه طريقة، و أنا عارف، إني لازم أمشي بعيد

I know I have to go

أنا عارف، أنا لازم أمشي

It’s not time to make a change, just sit down and take it slowly

دة مش وقت تغيير، بس اقعد، و خدها بالراحة

You’re still young, that’s your fault,

انتا لسة صغير، دة عيبك

there’s so much you have to go through

فيه حاجات كتير لازم تمر بيها

Find a girl, settle down, if you want, you can marry

دور على بنت، استقر، لو عايز، ممكن تتجوز

Look at me, I am old, but I’m happy

بص عليا، أنا عجوز، بس سعيد

All the times that I cried, keeping all the things I knew inside

كل الأوقات اللي بكيت فيها، كنت بخبي كل الحاجات اللي عارفها جوايا

And it’s hard, but it’s harder to ignore it.

و دة صعب، بس أصعب إنك تتجاهلها

If they were right, I’d agree, but it’s them they know, not me

لو كان عندهم حق، كنت هوافق، بس هما عارفين نفسهم، مش عارفينّي

Now there’s a way, and I know that I have to go away.

دلوقت فيه طريقة، و أنا عارف إني لازم أمشي بعيد

I know I have to go.

أنا عارف، أنا لازم أمشي

Song : Father and son

Lyrics : Yusuf Islam (formerly Cat Stevens)

Sang by: Originially sang by Cat Stevens, also Ronan Keating within Boyzone and then alone.

Song links:

Yusuf Islam; Young and tense and Old and calm.

Ronan Keating, Boyzone and in a live concert.

Ronan Keating and Yusuf Islam.

أغنية: أب و ابن

كلمات: يوسف إسلام ؛ كات ستيفنز سابقا

غناء: في الأصل كات ستيفنز، كما غناها رونان كيتنج كعضو في فريق بويزون ثم غناها وحده

روابط للأغنية؛

يوسف إسلام؛ شاب و متوتر و عجوز و هادي

رونان كيتنج، فريق بويزون و في حفل حي

رونان كيتنج مع يوسف إسلام

رغم إن أبويا ما قالليش كتير من الكلام دة صراحةً، بس كتير من سلوكه بيوصللي دة، و بيحسسني الإحساس دة، يمكن عشان كدة كلام الأغنية دي بيسمع أوي في قلبي؛

الكلام بيمسني في كذا حاجة؛

بيمسني في إحساس التوتر اللي الواحد عايشه في السن دة، و فكرة التغييرات الكتيرة، اللي يا إما عايز يعملها، يا إما بتحصل غصب عنه؛

فكرة الأحلام الكتير، و فكرة إني لازم أفكر فيها كتير، لأني هفضل موجود بكرة، بس أحلامي ممكن ما تفضلش؛

إحساسي بالتوهان، و إن الواحد مش عارف يعمل ايه بالظبط في حياته، و يمشي ازاي سكته، و يلاقيها ازاي، و يحب ازاي، و يتجوز ازاي، و يعيش ازاي…… ؛

أسمع الأغنية دي، أحس بحكمة السنين جاية لي، من واحد عدى في كل اللي انا فيه دلوقت، بيقوللي ما تقلقش، دة عادي، أنا كنت زيك، و دلوقت أنا أهو سعيد و راضي، انتا بس عشان لسة صغير و مش عارف حاجات كتير، فانتا قلقان، اهدا بس، و كل شيء هيبقى كويس؛

و سيبك من كلام غيرك، كل واحد عارف نفسه، و ما حدش يعرفك غيرك، فاعمل اللي انتا شايفه، و انتا صح؛

و كمان بيعلمني حاجة كويسة، بيقوللي فضفض، متقعدش في الضلمة دي لوحدك، اتكلم و هتلاقي اللي يساعدك و اللي يقف معاك؛

و الكلام فيه معنى تاني بيوصلني، إن صورة الأب اللي جوايا لازم تمشي و تسيبني، عشان أكبر بجد، يمكن عشان كدة أنا حسيت إن الأب في الأغنية بيقول إن فيه طريقة، إنه لازم يمشي، أو يمكن الإبن اللي بيقول إنه لازم يمشي، مش بمعنى إن الأب يموت أو الإبن يسيب أهله و يمشي، لأ، بتوصللي بمعنى إن الأب يسيبك تعمل اللي انتا شايفه صح، أو “إن كبر ابنك خاويه” زي ما بيتقال في المثل، يعني يبقى زي صاحبك، اللي ما بيفرضش عليك حاجة، على قد ما بيحترم كيانك اللي اتكون خلاص، و بيحاول يساعدك كصديق، مش يؤمرك كأب، و مش الأب و الأم بس اللي أنا أقصدهم، لأ، قصدي أكتر من كدة بكتير، فكرة الحاجات اللي اتكونت جواك من الأب و الأم، و ممكن تلاقي نفسك عمال ترضيها، رغم إن دة ما بقاش في صالح حد، لا هيخليك تكبر، و لا هيخلي أهلك يرضوا في الآخر برضه؛

حاجة تلخبط مش كدة؟

لو عندك فكرة عن قطر الحياة، ممكن تفهمني أكتر، دة ممكن تبقى عندك نفس المشكلة و انتا مش واخد بالك

!!!!!

I’m glad that there are still people who realize that what’s on the inside is much more important than what’s on the outside, and that our society is currently ignoring what’s on the inside, and rather than that, focuses only on what’s outside.

The scene of veiled girls hanging out with boys holding each others’ hands or he embracing her shoulder or both stuck to each other, this scene really gets on my nerves, this is not religion, and obviously this veil is not because of religion, it may be because of culture.

So where has Integrity, Honesty, and Taqua gone ?? and where has our real Chastity gone, that invovles emotions, morals, and behavior, not just the highly held “virginity” ???!!!
We sure need to straighten our interiors first, and to take the lead from those whose interiors are messed, but make a good external display.

But I think that, as improving the internal is very important to please God, the external also is important, though not the most important. God declared the veil’s order in Madina, not in Macca, meaning that over 13 years of Maccan Islam, sahaba women were not veiled, and were instead busy learning about Tawheed and about Praying, and about being honest and decent, being gentle and kind especially to parents……but that doesn’t mean that if we’re good from the inside, we don’t need to make a good outside, it’s all about God’s directions in the end, I think we should strive to be better on the inside, and still strive to be better on the outside, that’s what God directs us to do, so that at least when someone of this “just external thinking” judges you, he or she will find you good enough for him or her to learn “internal things” from you, and you have the great thawab then.

I feel that our religion is currently being torn between “Religion is only external” group, and “Religion is only internal” group, whereas God wanted us to do both, and while the internal being first, it must be soon followed by the external.

I’m sorry I wrote so much, I felt I needed to clarify this point.

Technorati tags: Islam, Religion, Internal religion, External religion, Chastity, Veil, Religion and Culture

Regarding choosing a Belief system or a religion, in Part 1 and Part 2 , I tried to figure out a sensible way to reach the intact Belief, and as a Human among Humans who have the right of choice, I stated in Part 3 my personal conditions for approving a Belief, I think these conditions would be sufficient for any one. So, Let’s discuss them:

Condition 1: The True Religion has to clearly state that it’s Divine not a man-made religion.

Do you know Human Types or Personalities and Motivations ?
Among Humans a serious type is present: The type Who wants to Lead; The type Who wants to be Followed, Why Does he want to be Followed ?

He can have any reason of his, good or bad:
A blind desire and that’s it……because I truly know better……because it Feels good……because I know I’m right and people should follow me……because I’m strong and wise and people can’t understand anything of my brilliance and it would be best that I lead them and construct a system for them……because I’m so Pure that I can Feel and Realize everything correctly and tell people of them……because I am a prophet (claiming prophecy for any personal gain, without proving it) ……because I’m not a Human; I am God !……..any Personal or Psychopathic cause, with good or bad intention.

This type can construct a religion; a complete Belief system based on his views and opinions.

The question is: Basically, How can I trust a human like me in constructing a belief system that deals with Issues and requires Inputs totally Unperceivable by any Human ??

I mean that, even if he has proven himself not mad or psychotic or having personal interests and gains, and even if he has proven himself Extra Wise or Extra Pure Genius:

HE CAN’T GO BEYOND OUR HUMAN LIMITS.

HE CAN’T BY HIMSELF KNOW WHAT’S AFTER DEATH AND

BEFORE LIFE.

He simply hasn’t been there and hasn’t seen there and can’t feel there, so whatever he says has no proof, and even if makes sense, it still has no proof.

Also, whatever he says is based on his Thinking and his Feeling, which is subject to Error; Aren’t All Humans Subject to that ?? Even the Wisest of the Wise, the Purest of the Pure, the Most Knowledgeable of the Knowledgeable……..He is Still Human, so….Why is he an exception ???

When we’re discussing what’s beyond our perception and beyond our power; what’s Unseen, Unheard and Untestable, We have to rely on one who knows them best ; one who have them among His Power and His Knowledge ; the One who Created Us and Created What’s “Beyond” Us ; We have to seek the answer from God.

Further than that, even if you admit a certain (Divine) Religion to be the One, you’ll find that all religions have “Religion Scholars” or “Religion Scientists” who specialized in studying the religion and teaching it to its followers, for example like a Rabbi for Jews, a Priest for Christians, or Imam for Muslims, a very serious mistake appears here, that you follow the Scholar’s orders, not the Divine orders Honestly Conveyed, and Convincingly Explained and Elaborated by the Scholar.

Even if this Religion is the Intact One, this scholar is a human and can be very Evil if he wishes and still pretend Piety, and can be an Ignorant Claiming Knowledge or Knows a lot alright, but Stupid and Lacks the Intact Understanding of the Religion’s Holy Text. So you shouldn’t obey him Blindly, we should always consider what he Truly is ; he is merely a tool for understanding the message and worshipping it’s Sender, so when you want to know something about your religion and choose to ask a Scholar, you shouldn’t take all what he says for granted, you have a brain like he has a brain, if he is really knowledgeable of the religion , then by his knowledge he can Convince me of what he says based on Proofs from the religion’s source, and if the Religion is Truly the Intact One, these proofs CANNOT in any way contradict my Unbiased Straight thinking and Feeling.

So if you obey him for himself not for what he Conveys, then you ARE mistaken;

Worship is mainly Obedience, so Who are you worshipping then ? God or the Scholar ?

Another Model of Worship has proved to occur; a Very Pious person Worshipping God sincerely, the people admit his piety, they may obey him out of respect, they may follow him for the sake of God, when he dies, they make a statue for him or build him a great Tomb to show their respect to him and remember him, his story and his piety, as the years go, some people start to think that this pious person is very Near and Dear to God and that if they asked this pious person (represented in his statue or his tomb) to get them near to God and to do things for them he would tell God and being Nearer to God than me, God would respond to him and grant me what I want, and give me what I want in life and give me heaven when I die, as the years go, people actually worshipped the statue or the tomb itself, though admitting that God is the one who created everything ! They admit that He created, But deny that He is the only One Worthy of Worship; they worship all the statues, or the idols, or the people they wish to believe in and worship.

More than that, Some people Worship Celebrities, considering them great and considering them gods, I think any human has the inherent Need to worship God, if he chose Not to worship Him as he should, he’ll worship anything else, a statue, another human or even an animal.

It’s another Fault of the Uncontrolled Heart, believing in what it wishes ; after all, I haven’t seen God and I have to believe in Him without seeing Him and He orders me to do things and to avoid other things and all that is Tiring and needs Effort and Self control, but this beautiful statue, human or animal that I can see by my eyes doesn’t order me to do anything ! How convenient !!
These points are Extremely Important and Crucial, for after you die, the one you were worshipping would reward you, and a worshipped statue, human or an animal that died like I died, surely Will Not do me any good.

So, Belief and Worship; creatures or The Creator? man-made religion or Divine religion? I think the correct answer is clear.

To be continued,

Sameh

In Part 1 and Part 2, I reached these Facts : Believing by Heritage alone, by Mind alone or by Heart alone is Very Misleading and that Simple Logic leads me to say that : The Intact message stands as ONE among all Heritages. Proofs have to be Investigated and Approved by the Mind alone. The Soul that seeks the Truth should guide its Pursuit with a Neutral Heart.

So, How can we judge Heritages ??
What are the points that reject a Heritage’s Acceptability ? What are the conditions and the factors of Integrity ?? What are the conditions of approving the “Divine Source” ??? As a Normal person seeking the intact belief and the intact religion, I’ll put My simple conditions ;

The True Religion :

1- has to clearly state that it’s Divine not a man-made religion.

2- has to clearly state that it is the message of God to all Humanity and that it applies to Me, My time, My place and even My circumstances.

3- has to Clearly and Undoubtedly Prove its Divine Source.

4- has to Clearly and Undoubtedly Provide the EVIDENCE of its PRESERVATION ; what’s an originally Divine, but Non-Intactly-Preserved Religion Good for ? it will surely Mislead me.

5- has to act like Divine.

6- CANNOT Contradict the general concepts of “Right” and “Wrong” known and approved by all of us.

7- HAS to Provide ALL the answers and a Perfect System, or else what is it good for ?!

8- has to have a Remarkable impact when applied that cannot be achieved by any other way (which further emphasizes its Divine Source), and still it Shouldn’t be merely a system that Sounds good but is Actually Inapplicable, Ineffective or with a bad impact.

9- Finally, it should make me Feel that it is the message of God, and should make me Feel Internal Peace.

Next, I’ll start discussing.

I admire the frankness of the post and the relevance of the replies here.

There are somethings I need to say.

First, about the religious angle of the issue, yes, the “used-to-be” gawaz 3orfy is not 7aram, but that was something in the past, totally different from what happens today,

back then, people were few, they knew each other very well, and there was no documentation system, so the routine was that a man proposes to a woman, and the family knows or asks about the family, and when the marriage is approved, two witnesses testify, and the whole village knows about this marriage, nothing haram at all in that, that’s because Everybody knew about this marriage (all the village at the time), and when any problems arise, everybody will testify that this was a true announced marriage, and hence defend the rights for each of them as well as the children. As for what currently happens, and according to Islam as well, there’s this verse in the qur’an that tells us to obey those in responsiblity or in charge, be it Judges or Sheikhs, they saw, and I think they are totally right, that cities have grown, people are in millions now not in hundreds or thousands, and not much people know each other, so Documentation has to be a part of the marriage to actually be able to prove the marriage and preserve the rights.

So, documenting the marriage is now a condition, to preserve your rights, or your kid’s rights if you don’t care for yours, and besides, Announcing the marriage, is not for 2 witnesses !!! Those 2 are the ones to come first to testify when any problem happens, but marriage should be announced for everyone, not just 2 !

As for the difficulty we suffer, in waiting and abstaining for the right time, and the right form of sex, it’s not due to religion, we recall the first muslims marrying in their teenage, but they were men, and the society didn’t put any demands on the youth as the situation is now, now the parents will ask for a big appartment with expensive furniture, a good new car, and so and so, this materialistic look to marriage is our society’s mistake, not our religion’s, and we are paying for that.

So what do we do???? Relieve the tension in anyway we like even if we know it’s haram?? Try to find some excuses for extramarital/unofficial relations??
Stay virgins till we can fulfill the society’s rules??

I think there’s a lot to do other than complain or let go and make the mistake, and I’m not preaching, I’m simply saying what I personally do, and I’m 27 and never had sex, I think we need to work on ourselves real hard to “Really Maturate” to real men and real women, we need to work in life, to really be able to support ourselves and subsequently support a wife and a family, emotionally and financially, we really need to separate what’s truly Islamic and adhere to it with our life, from what’s Societal and wrong and we fight it and reject it with our life.

I think that we sometimes tend to forget that Life is difficult !!! and the choices are rarely easy and straightforward, there’s always a cost, there’s always pain, pain in holding as well as pain in letting go, though each has a different form.

God said it loud and clear :

لقد خلقنا الإنسان في كبد

090.004
YUSUFALI translation: Verily We have created man into toil and struggle.

SHAKIR translation: Certainly We have created man to be in distress.

Yet, we’ll reap and pay for our decisions.

قطر الحياة بيفوت

من غير صفير و لا صوت

مشاعرنا فين احنا

نسمع ساعات تنهيد

من قلب قطر حديد

تنهيده جرّحنا

آه

آـــــه

و إن كان في قلبه هموم

هتكون ملامحه في يوم

من نفس ملامحنا

فضفض يا قطر و قول

لسة الطريق موصول

اوصل و ريحنا

قطر الحياة بيفوت

من غير صفير و لا صوت

مشاعرنا فين احنا

نسمع ساعات تنهيد

من قلب قطر حديد

تنهيده جرّحنا

أغنية قطر الحياة-واما

من الأغاني اللي مسّتني أوي

أول امبارح كان عيد ميلادي، كدة تميت 27 سنة، …… 2 من صحابي بيهنوني، فبيقولولي عقبال 100 سنة !! ما جاش في بالي غير إن دة كتير أوي، يا خبر …. أعيش 100 سنة في المعاناة دي، دة أنا فات من عمري 27 سنة, و ساعات بقول كفاية كدة ! كفاية إني حاسس إن العمر اللي فات….راح !! إني لسة من يمكن سنة بس، ابتديت أشوف أنا عايز أعمل ايه بجد في حياتي !!!! “حابب” أعمل ايه و اوصل لإيه !!! حاجة تخنق، احنا ماشيين في الحياة زي القطر، ماشيين على قضبان أهالينا و مجتمعنا حطوهالنا، و يتخانقوا معانا لو خرجنا عنها، رغم إن آخر سكته نفس الضياع اللي مجتمعنا فيه دلوقت !! بس الكل فرحان بإن على الأقل “فيه سكة”، بس عشان مش هي دي سكتنا الصح، نفضل نسمع ساعات تنهيد من قلب قطر حديد، تنهيده جرّحنا….. بس برضه، قطر الحياة بيفوت…. من غير صفير و لا صوت…..مشاعرنا فين احنا ؟؟؟….. و إن كان في قلبه هموم…هتكون ملامحه في يوم…من نفس ملامحنا…فضفض يا قطر و قول….لسة الطريق موصول….

اوصل و ريحنا !!

حقيقي صدق الله العظيم، “لقد خلقنا الإنسان في كبد”، و لا راحة إلا في الموت.

مع كل دة، لسة المشوار طويل، يا ترى فيه سكة تانية محناش شايفينها؟؟ نحط قطر حياتنا عليها، و نكمل اللي فاضل في العمر صح؟؟؟؟؟

Technorati Tags: , واما, هدف الحياة, الحياة, تيتو, قطر الحياة,

Next day, after the driver came, we headed for the Spring of Cleopatra, this oasis proved to be continuously impressive, more than we expected; again, in the middle of houses and plantings, there was this circular pool, diameter nearly 25 meters, with a high edge made of stacked rocks and a platform on one of its sides leading to some rocky stairs that descend till inside the water, this water is very strange; it comes out of the ground; about 15 meters depth, together with sulphur and some gases, all are emerging from cracks in the bottom of the pool, we were in January , which is cold of course, this water was actually very warm !!

We were ready with our swimsuits; I made a nice straight 2 hands’ dive, Omar made a shaky 3 limb dive! Abdu made a clumsy 4 limb dive!! We swam for a little with Haitham shooting with the camera and Baghdady with him, Me, Omar and Abdu swam, the water was great, warm and clear, the best swimming pool I ever swam in!! I dived to the bottom of the spring, the ground was covered with algae and through it the bubbles were coming through obvious cracks in the ground and I actually saw the bubbles coming out of it! By the way……those algae are not disgusty at all in case it crossed your mind, when you see it on its truth you’ll find that they’re just green small plants and not disgusty or harmful at all !!

Later, we went to the Mount of the Dead, a Big Hill that the pharaohs used as a cemetery, it was very peculiar; a normal mount but the ground is full of holes, not directly “graves” as you might think, but these openings actually lead to huge burial rooms, each room has many partitions or sub rooms where each body lies ( of course removed now) , also , some of these holes are connected to each other, so you might enter from a hole and exit from the other.

We ascended the hill till the top, it’s almost the highest point in the oasis, form there all Siwa is visible, wow, enormous desert surrounding Siwa and enormous number of palm trees defying the desert surrounding it!!! An Absolute contrast!! I can’t actually estimate the number of palm trees, but if I say half a million then I’m sure I haven’t overestimated it, if I say a million I’m not sure if I under or overestimated it !! The point is that ALL THE SIDES OF THE VIEW FROM UP THERE WERE FULL OF PALM TREES!! Palm trees everywhere, and when you see the surrounding desert at the horizon, you start to really understand and realize the Meaning and Significance of an “Oasis”, by containing a source of water, it provides a potent mean of Life sustenance in the middle of a harsh and hard desert that can hardly sustain anything. I further realize the meaning when I recall what we saw in the horizon beyond the palm trees, we saw a huge lake, no, not formed by rain and no rivers here; it was simply the drainage of the irrigated land.

We then headed for the Oracle of Amoun, where Alexander the great of Macedonia is supposed to have come and was hailed as amoun’s son (Some Mythology), this temple just stood holding itself for how much ……4000 years may be, I don’t know, but just to consider the idea that it lasted that long, thousands of years, with it’s walls, rooms, statues and carvings, all still standing with it’s sculptures still present only removed in some parts by some kings who wanted to erase the history of their ancestors by actually Chiseling the sculptures off the wall ( their rubber eraser !) !!! Unfortunately, I don’t have pics for the temple, I recall there was a problem with the camera, we only took this pic outside the temple, beside one of the few ruined parts !!!

beside the temple lied the remains of multileveled ancient housings built in the Mount’s rocky walls itself, but in contrast to the Perfectly Intact Temple, these housings’ grounds have fallen down leaving only walls, when I come to think that “This temple has actually stayed almost perfect for all these years !!”, makes me wonder, what Accuracy and Durability did those pharaohs insist on employing in their civilization especially in aspects regarding their worship and their beliefs of the other life, that kept their monuments and mummies, all that time still in good shape, still proving to all that came after them , “How Knowledgeable, Efficient, Accurate and Potent we are ” !!!! Those people were really tough workers and really knowledgeable and really accurate, they had a strong and well held creed, and although their beliefs were all messed; naming a god for each aspect of their life and making him (or her!) a statue and then worshipping it; this for the sun, this for agriculture, this for the nile and that for laughter…!! Or even worshipping the pharaoh himself (the king), in spite of all that nonsense regarding Belief, they applied and worked their whole lives on these ideas and look at the civilization they left behind!! Their monuments lasted till now!!! Their sculptures and statues with their COLORS are still intact!!! Their pyramids and sphinx still standing intact!! The golden mask of tut-ankh-amoun is still an unmatched piece of art!!! They left us a Huge heritage of Almost “Non-Replicables”!

They were exterminated in the end but my point is, that whatever you believe, if you work for it right and hard enough, you’ll reach Great achievements and great results in life, if your beliefs were wrong then you won’t get the Best life, and you will get your punishment after death, but during life, you’ll get a better one than those who believe right and don’t work for it decently enough.

A real pity and sorrow I feel, All Muslims, and especially well educated Muslims, know for sure that their religion is the best and the perfect religion, that it’s the only one valid and intactly kept till now and that it’s the final message for all humanity and that they have to do their best to convey it to the whole world which needs it now more than ever, but look to muslims, they know they are right and they do not do anything for it, they take from Islam the parts that say that God can do everything and lead to victory those who believe in Him, but they totally ignore and leave the parts of Islam in which God tells them work hard for Me, Grasp all the Causes of power and science, do so and so and don’t do so and so…..so that I make you victorious in life and Give you paradise after death; the mistaken muslims take what’s easy and what they like and leave what’s hard and they don’t like !!! Blinding their eyes from the fact that God’s offer is a whole deal; take it all or leave it all, there are no compromises. The consequences are grave ; God doesn’t change life’s Rules for anyone except providing miracles for prophets and that age has gone long long ago, so the very simple, logic and natural result is that muslims now are almost at the rear of nations and civilizations because of believing in what they like not what God tells them, and because of not working at all for their religion, although that by being so Lagging, so Retarded and so Indifferent they are discarding all what their religion and their belief tells them to do!

When I see pharaonic monuments, how great they are, how durable and yet finely made, I Learn more and more that the universal rules that Allah put in the world are truly Universal, they Work FOR and Work AGAINST and Work ON all Humans; Intact Believers as well as Nonbelievers as well as Misbelievers;

The Universal rule that I’ve learnt is : Regarding Earthly Achievements :

What really differs is not What your cause is,

it’s always HOW HARD YOU WORK for your cause even if your cause is absolute nonsense.

I might write next about Matruh, an adorable city, and a wonderful beach, the Rock of Ajeeba or the beach of “The Wonderful”, it was truly a real wonder, the water, the sand, the rock in the sea… Sameh.